AQSh-tyń Qazaqstandaǵy elshisi Ýılıam Mozer Reseıge qarsy sankııalardyń Qazaqstanǵa áseri týraly aıtty, dep habarlaıdy "Adyrna" ulttyq portaly Tengrinews.kz-ke silteme jasap.
"Bul sankııalar Reseıdiń áreketin ózgertý úshin qabyldanǵanyn aıtqym keledi. Atap aıtsaq: saılaýǵa jáne memlekettik aqparatqa aralasý sııaqty árekertter boldy. Buǵan biz odan ári shydaı almaımyz.
Biraq Qazaqstanǵa keletin bolsaq, sankııalardyń mindetti saldaryn boldyrmaýy úshin jumys istedik jáne isteı beremiz degim keledi. Biz bul sankııalardyń Qazaqstanǵa áser etkenin qalamaımyz", - dedi AQSh elshisi jýrnalıstermen ótken dóńgelek ústel barysynda.
15 sáýirde AQSh Reseıge qarsy jańa sankııalar engizgen. Ol 32 jeke tulǵa men birlestikke qatysty. 14 maýsymnan bastap AQSh qarjy ınstıtýttaryna Ortalyq bank pen Reseıdiń Qarjy mınıstrliginen, sondaı-aq ulttyq ál-aýqat qorynan boryshtyq baǵaly qaǵazdardy tikeleı satyp alýǵa tyıym salynady. Vashıngton bıligi Reseıdiń 10 qyzmetkeri elden shyǵarylatynyn aıtqan bolatyn.
"Adyrna" ulttyq portaly
