Memlekettik emhanalarda sapa talaptaryn buzǵan aq zalattylar jaýapqa tartyldy, dep habarlaıdy "Adyrna" tilshisi 24KZ-ke siltep.
Almatyda emdeý jáne dıagnostıka standarttarynan aýytqyǵan medıına salasynyń qyzmetkerleri tarapynan olqylyqtar ketken. Bul jóninde Sybaılas jemqorlyqqa qarys kúres agenttiginiń qalalyq qyzmet basshysy málimdedi.
Qaladaǵy keıbir emdeý mekemeleriniń basshylary memlekettik satyp alýda taýar men qyzmet túriniń qunyn asyra kórsetip, paıdaǵa qunyqqan. Departament 2023 jyly qoǵamdyq densaýlyq saqtaý basqarmasyna, Ishki aýdıt departamentine satyp alý baǵasyn 2 mıllıard teńgeden astam somaǵa negizsiz kótermeleý faktileri týraly hat ta joldaǵan.
Antıkor tekserisinen keıin atalǵan saladaǵy 5 laýazymdy tulǵa tártiptik jaýapqa tartylǵan
"Quqyqbuzýshylyq máseleleri boıynsha bul – bólek másele. 2 jyldyń kóleminde 3 qylmystyq is tirkelgen bolatyn. Onyń ishinde memleket qarjysyn jymqyrý faktileri de bar", - dedi Sybaılas jemqorlyqqa qarsy is-qımyl agenttigi oblystyq departamentiniń basshysy.
