Saltanat Núkenovany aıýandyqpen óltirdi dep aıyptalǵan Qýandyq Bıshimbaev óziniń Núkenovany óler aldynda qalaı soqqyǵa jyqqany týraly óz nusqasyn aıtyp berdi, dep habarlaıdy "Adyrna" ulttyq portaly.
«Ol meniń artymnan dóreki sózder aıtty. Men baryp ony tórt ret shapalaqpen urdym. Ol sol jerde jatty, ornynan turmady. Men ne bolyp jatqanyn túsine almadym. Meni ádeıi ashýlandyrǵysy keldi me, uqpadym. Ony jambasynan birneshe ret tepkiledim. Men onyń aıtqan sózderine qatty ashýlandym. Aldym da, shashynan kóterdim», - dedi Bıshimbaev sotta jaýap alý kezinde.
Osylaısha Bıshimbaev 9 qarashaǵa qaraǵan túni bolǵan oqıǵany aıtyp berdi.
Ol tańerteń onyń betiniń bir bóliginiń isingenin baıqaǵanyn aıtady. Bul ony qatty «ýaıymdatqan». Bıshimbaev kóripkelge telefon soǵyp, Saltanattyń oıanbaǵanyn, onyń denesinde úlken jaraqat bar ekenin aıtty. Kóripkel «Saltanat sharshady, tek uıyqtaý kerek» dep jaýap berdi.
«Sodan keıin júregim áıteýir jeńildep qaldy», - deıdi Bıshimbaev. Saltanattyń ózin jaqsy sezinýi úshin kóripkeldiń kómektesýin ótingen.
«Men onyń basynan urǵan joqpyn. Baıjanovqa aspırın men ketonal ákelýge shaqyrdym. Oqıǵa osylaı boldy», - dedi sottalýshy.
Onyń aıtýynsha, Saltanat janjal kezinde basyn dárethana men edenge soqqan. Ol olardyń kıkiljińi men tóbelesiniń beınebaqylaý kameralarynyń áleýmettik jelilerge taraǵanyn qalamaǵandyqtan, Bıshimbaev barlyq jazbalardy óshirýdi suraǵanyn da aıtty.
