Tūŋǧyş prezidenttı tuǧan künımen jäne elorda künımen qūttyqtap jatqan tūlǧalardyŋ arasynda Resei, Qytai, Belarus, Qyrǧyzstan, Özbekstan, Türıkmenstan, Täjıkstan jäne Serbiia prezidentterı men Resei ükımetınıŋ töraǧasy Dmitrii Medvedev bar.
"Sızdıŋ mol täjıribeŋız, saiasi danalyǧyŋyz jäne tereŋ bılımıŋız euraziialyq keŋıstıktegı integrasiialyq üderıster boiynşa strategiialyq serıktestık pen odaqtastyq qarym-qatynastardy damytu ısınde ärdaiym qajet bolatynyna senımdımın", – deidı Resei köşbasşysy Putin öz qūttyqtauynda.
Özbekstan respublikasynyŋ prezidentı Şavkat Mirzieiov özbek halqynyŋ Elbasyny özın elı men halqyna jan-tänımen qyzmet etuge arnaǧan körnektı memleket qairatkerı jäne älemdık deŋgeidegı parasatty saiasatker retınde tereŋ qūrmetteitının atap öttı.
"Tarihtyŋ eŋ qiyn ärı kürdelı kezeŋınde Sızdıŋ memleket keleşegıne jauapkerşılık alǧanyŋyz Qazaqstan üşın taǧdyrşeştı oqiǧa boldy. Sız – bıregei adami qasietke ie, tereŋ bılımdı, baǧa jetpes käsıbi jäne ömırlık täjıribesı bar tua bıtken köşbasşysyz.
Sızdıŋ Qazaqstan respublikasynyŋ Tūŋǧyş Prezidentı – Elbasy retınde Qazaqstan memleketın, elıŋızdıŋ egemendıgı men täuelsızdıgın qalyptastury jäne nyǧaitudaǧy tarihi missiiaŋyzǧa berılgen şynaiy joǧary baǧany tolyq qoldaimyn", – delıngen jedelhatta.
Belarus respublikasynyŋ prezidentı Aleksandr Lukaşenkonyŋ jedelhatynda Tūŋǧyş prezidenttıŋ saiasi baǧdarynyŋ arqasynda Qazaqstan Respublikasy tabysty, quatty jäne täuelsız memleketke ainalǧany aitylǧan.
"Sızdıŋ Belarus-Qazaqstan yntymaqtastyǧyn damytu mäselelerıne köŋıl bölıp, halyqtarymyzdyŋ arasyndaǧy köpjyldyq dostyq dästürdı, özara qūrmet pen bauyrlastyq qarym-qatynastardy nyǧaituǧa qosqan jeke ülesıŋız üşın şynaiy rizaşylyqtamyn. Ūlttyŋ şyn mänındegı köşbasşysy, öz halqyna adaldyqtyŋ ülgısı bola otyryp, Sız memlekettıŋ damuy men örkendeuı üşın talmai eŋbektenıp kelesız", – delıngen jedelhatta.
Türıkmenstan prezidentı Gurbanguly Berdımūhamedov özınıŋ qūttyqtauynda Qazaqstan ömırınıŋ barlyq salasynda auqymdy özgerıster men eldıŋ aitarlyqtai jetıstıkterı Tūŋǧyş prezident – Elbasy atymen tyǧyz bailanysty ekenın atap öttı.
"Bız Türıkmenstanda Sızdıŋ elderımızdıŋ arasyndaǧy qarym-qatynastardy damytuǧa qosqan jeke ülesterıŋızdı joǧary baǧalaimyz jäne köp jylǧy tatu körşılık, senım men qūrmetke negızdelgen ekı jaqty strategiialyq yntymaqtastyqty odan ärı nyǧaituǧa niettımız.
Osy atauly künı şyn jürekten Sızge zor densaulyq, ūzaq ömır, sarqylmas küş-quat, mol baqyt, al bauyrlas Qazaqstan halqyna beibıt ömır tılep, odan ärı ösıp-örkendei beruıne tılektestık bıldıremın", – delıngen jedelhatta.
Serbiia Prezidentı Aleksandr Vuchich Qazaqstannyŋ Tūŋǧyş prezidentınıŋ köregen saiasatynyŋ arqasynda Qazaqstannyŋ qol jetkızgen jetıstıkterıne toqtaldy.
"Osy mümkındıktı paidalanyp, Serbiia men Qazaqstannyŋ tyǧyz yntymaqtastyqqa qol jetkızuı jolyndaǧy jan-jaqty niettestık üşın taǧy da alǧys bıldırgım keledı. Elderımızdıŋ qarym-qatynastaryn odan ärı nyǧaituǧa köp mümkındıktıŋ bar ekenıne senımım mol", – delıngen hatta.
Qyrǧyz Respublikasynyŋ prezidentı Sooronbai Jeenbekov özınıŋ hatynda Elbasynyŋ arqasynda Qazaqstannyŋ astanasy Ortalyq Aziiadaǧy eŋ äsem qalaǧa ainalyp, halyqaralyq qarjy alaŋy men beibıtşılık qalasyna ainalǧanyn atap ötken.
"Sızdıŋ tuǧan künıŋızge jäne Qazaqstan Respublikasynyŋ Astanasy künın merekeleuge orai menıŋ şynaiy qūttyqtauymdy qabyl alyŋyz.
Sız – özıŋızdıŋ zor küş-jıgerıŋızben jäne igı ısterıŋızdı Qazaqstan halqynyŋ ǧana emes, sondai-aq bükıl Ortalyq Aziia halyqtarynyŋ äl-auqatyn arttyruǧa baǧyttaǧan dana ärı parasatty tūlǧasyz.
Qazaqstan halqy täuelsızdık alǧannan berı elıŋızde bolyp jatqan barlyq eleulı äleumettık-ekonomikalyq reformalardy Sızdıŋ esımıŋızben bailanystyrady jäne halyqtyŋ ösıp-örkendeuıne qosqan zor ülesıŋızdı joǧary baǧalaidy", – delıngen hatta.
