4 sáýirde Senat tóraǵasy Máýlen Áshimbaev Vatıkan men Italııaǵa jumys saparymen baryp, Rım papasy Franıskpen kezdesti, dep habarlaıdy «Adyrna» tilshisi.
Parlament senatynyń baspasóz qyzmetiniń málimetinshe, depýtattardan quralǵan delegaııa dinaralyq konfessııaǵa qatysyp, parlamentaralyq yntymaqtastyqty nyǵaıtý máselelerin talqylaǵan. Máýlen Áshimbaev Rım papasy Franıskke iltıpatyn bildirip, Álemdik jáne dástúrli dinder kóshbasshylary sezine jan-jaqty qoldaý kórsetip kele jatqany úshin rızashylyǵyn bildirdi.
«Álemdik jáne dástúrli dinder kóshbasshylary sezi qazirgideı ózekti syn-qaterler jaǵdaıynda din kóshbasshylarynyń, saıasatkerlerdiń jáne halyqaralyq uıymdardyń kúsh-jigerin ortaq múddege jumyldyrýdy kózdeıdi. Rýhanı kóshbasshylar jergilikti jerde ǵana emes, halyqaralyq deńgeıde de zor yqpalǵa ıe. Olar birlesip, klımattyń ózgerýi, teńsizdik, ekstremızm sııaqty problemalardy sheshýge, qaqtyǵystar men soǵystardy toqtatýǵa aıtarlyqtaı septigin tıgize alady. Planetamyz ben keler urpaqtyń jarqyn bolashaǵy jolynda judyryqtaı jumylý bizdiń ortaq maqsatymyz ekeni anyq», - dedi Qazaqstan Parlamenti senatynyń tóraǵasy.
Óz kezeginde Rım papasy Franısk Qazaqstannyń beıbitshilik pen túrli din ókilderi arasyndaǵy yntymaqtastyqty nyǵaıtý jónindegi bastamasyn qoldaıtynyn aıtty.
