Qostanaida tötenşe jaǧdai engızılıp, tūrǧyndardy evakuasiialauǧa daiyndyq jürgızılude, dep habarlaidy "Adyrna" ūlttyq portaly "Naşa gazetaǧa" sıltep.
«Qostanaida tötenşe jaǧdai engızılude. Būl turaly bügın ötken brifingte qala äkımı Marat Jündıbaev mälım ettı. Bügın, 6 säuırde, tüs kezınde nemese keşke qarai odan da köp su aǧyny bolady dep kütılude», - delıngen senbıde.
Qostanai äkımı su tasqyny aimaǧynda tūratyn azamattardy aldyn ala evakuasiialaudy sūrady. Ekı künde Qostanai oblysynyŋ su qoimalaryna milliard tekşe metr su kelıp, aǧyzylu bastaldy, būl Qostanaidy su basu qaupın töndırdı.
"Qostanaida qazır 20-ǧa juyq evakuasiialyq punkt aşyldy. Keşe saiajai eldı mekenderınen 218 adam evakuasiialandy, bıraq tek 6 qala tūrǧyny ǧana profilaktikalyq em aluda qaldy, qalǧandary tuystaryna kettı. Sudyŋ şaryqtau şegı keşke jäne tünde bolady dep kütemız. Bügın kündız barlyq profilaktikalyq şaralardy qolǧa alu qajet. Täuelsızdık alǧaly berı alǧaş ret su qoimasy 100 paiyzǧa tolyp otyr. Ekı künde milliard tekşe metrge juyq su keldı, būlai būryn soŋdy bolmaǧan», - dedı äkım.
Qazırgı uaqytta, Qaratomar su qoimasynyŋ şamadan tys tolyp ketuıne bailanysty, artyq sudy aǧyzu sekundyna 10 tekşeden bastalyp, 1,5 myŋ tekşe metrge deiın jetkızıldı. Al mūnyŋ saldary qalanyŋ jaǧalauǧa jaqyn aumaqtaryna zor qauıp-qater töndırıp tūr. Atap aitqanda, «Dorojnik», «Sadovod», «Michurines» bau-baqşa qonystaryn jäne «Kolesnye riady» audanyn su jailauy mümkın.
«Atalǧan aumaqtardyŋ tūrǧyndary qūzırettı organdar bırınşı talap etken sätten bastap, ūiymdasqan türde evakuasiiaǧa kırısuı kerek. Būl şarada egde kısılerge, jürıs-tūrysy qiyn azamattar men balalarǧa erekşe köŋıl bölu sūralady. Aldyn ala qūjattaryŋyz ben alǧaşqy qajettılıgı bar zattaryŋyzdy daiarlap qoiyŋyzdar. Sızderge avtobustar jıberılıp, olar evakopunktterge qatynaidy. Uaqytşa qonystarda as-auqat jäne jatyn oryn äzırlengen», — delınedı qalalyq ştab habarlamasynda.
Qostanai qalasy aumaǧynda tūrǧyndardy evakuasiialauǧa arnalǧan bırneşe punkt äzırlenıp qoiylǧan. Olar:
— QR IIM Akademiiasynyŋ jataqhanasy;
— Qostanai industriialyq-pedagogikalyq kolledjı;
— Qostanai avtomobil kölıgı kolledjı;
— Qostanai qyzmet körsetu salalary kolledjı;
— Qostanai qūrylys kolledjı;
— «Drujba» profilaktoriiasy;
— № 2 mektep-lisei sport zaly;
— № 14 JBBM;
— S. Mäulenov atyndaǧy gimnaziia;
— № 19 jäne № 20 mektepter;
— Fizika-matematika liseiı.
«Qūrmettı qostanailyqtar! Evakuasiia kezınde dürbeleŋge salynbai, qūqyq qorǧau organdary men TJ qyzmetkerlerınıŋ zaŋ jüzındegı barlyq talaptaryn oryndaularyŋyzdy sūraimyz! Eger tasqyn jeŋıl öter bolsa, adamdar qaldyryp ketken tūrǧyn üi alaptaryn tärtıp saqşylary küzetetın bolady», - delıngen ştab ündeuınde.
Ūqsas jaŋalyqtar
