Almatyda «Almaty – bızdıŋ ortaq üiımız» aksiiasy bastalady. Osyǧan orai qala äkımı Erbolat Dosaev qalalyqtar aldynda söz söiledı, dep habarlaidy “Adyrna” ūlttyq portaly.
«Qūrmettı almatylyqtar! Ejelden Nauryz jaŋaru men jaŋǧyrudy beinelegen. Būl - qorşaǧan orta men üilerdıŋ ainalasyn tazartyp, retke keltıretın kezeŋ. Otan senıŋ üiıŋnıŋ tabaldyryǧynan bastalady. Al bız üşın Almaty - ortaq üiımız. Osynau aru qalada bız ösıp, öndık, ata- analarymyz osynau kielı mekende ömır sürude, balalarymyz saiabaqtar men skverlerde asyr salyp, seruendeude.
Bügınnen bastap, bır ai boiy bız «Almaty – bızdıŋ ortaq üiımız» nauqanyn bastaimyz jäne ötkızemız. Maqsat - bızdıŋ süiıktı qalamyz odan da jaqsy jäne ädemı boluy üşın barlyq niettes tūrǧyndardy bırıktıru. Būl tek tazalyq pen tärtıpke ǧana emes, sonymen bırge özımız bırge jasaǧan qūndylyqtarǧa ūqypty qarauǧa da qatysty”, dedı äkım.
Sondai-aq, ol barlyq qalalyq kommunaldyq qyzmetter, audan äkımdıkterı aldaǧy nauqanǧa belsendı qatysatynyn aitty.«Ülken ıster kışıden bastalady. Ūly Abai aitqandai, «Özın tärbielei bılmegen, özgege önege körsete almaidy». Sondyqtan igı ısterdı özımızden, üiımızden, aulamyzdan bastaiyq. Almatylyqtar ünemı öz qalasyna erekşe qūrmetpen qarau arqyly erekşelenedı. Ärine, men ärkımnıŋ jeke ısterı bar ekenın tüsınemın, bıraq qalamyz bıreu ärı bärımızge ortaq.
Menıŋ tapsyrmam boiynşa barlyq qalalyq kommunaldyq qyzmetter, audan äkımdıkterı aldaǧy nauqanǧa belsendı qatysady. Barlyq ıs-şaralar qala atynan qajettı resurstarmen qamtamasyz etılgen.
Osy aldaǧy aptalarda niettes azamattardyŋ barlyǧyn bızdıŋ ortaq ıs-şaralarymyzǧa qosyluǧa, öz aulalaryn, köşelerın abattandyruǧa jäne tazartuǧa, ekoaksiialarǧa qatysuǧa şaqyramyn. Almatynyŋ biznesı de qalanyŋ damuy men örkendeuıne zor üles qosatynyna senımdımın.
Qūrmettı qala tūrǧyndary!
Memleket basşysy Almaty elımızdıŋ eŋ mädeni jäne taza qalasy boluy tiıs dep esepteidı! Men süiıktı qalamyzdyŋ eŋ jaqsy jäne ädemı märtebesın rastai alatynymyzǧa bärımız bırıgıp küş- jıgerımızdı jūmsaitynymyzǧa senımdımın”, dep sözın qorytyndylady Erbolat Dosaev.
