Almatydaǵy jataqhanadaǵy órtten qaza tapqan 20 jastaǵy Beıbarys Áldibek Túrkistan oblysynda jerlendi, dep habarlaıdy «Adyrna» ulttyq portaly» KTK telearnasyna silteme jasap.
Telearnanyń habarlaýynsha, jigit osydan úsh aı buryn múgedek ata-anasynyń úıine jóndeý jumystaryna aqsha tabý úshin Almatyǵa jumys isteýge ketken. Qaıǵyly oqıǵa bolǵan kúni Beıbarys ata-anasyna kelýi kerek edi, biraq olardyń aıtýy boıynsha, jigittiń jalaqysy keshiktirilip, qalyp qoıǵan.
Jas jigit bir kún buryn Shymkentten 100 shaqyrym jerdegi týǵan jeri Syntas aýylynda jerlendi. Beıbarys otbasyndaǵy tórt uldyń kenjesi.
Jigittiń ákesi men anasynyń estý qabileti nashar. Jergilikti bılik olarǵa tegin gaz jáne ulynyń ólimi úshin ótemaqy tóleýge ýáde berdi. Biraq Beıbarystyń otbasy qaıǵyly oqıǵaǵa kinálilerdiń jazalanǵanyn ǵana qalaıdy. Qaza tapqandardyń týystary jataqhana qojaıyndary ǵana emes, olardyń qyzmetin baqylaýǵa alǵandardyń da barynsha jazalanýyn talap etýde.
«Bári arzanyraq baspana izdeıdi, biraq jaǵdaıdy da qadaǵalaý kerek! Qalypty jaǵdaıda mundaı qaıǵyly oqıǵa bolmas edi. On úsh jigit qaıtys boldy, bári jas, ne degen sumdyq! Jataqhana ıesi jáne ony basqaratyn adamdar da jaýapty bolsyn!» – deıdi marqum jigittiń aǵasy Isa Nálibaev.
Buǵan deıin QR Bas prokýratýrasy órt saldarynan 13 adam qaza tapqan jataqhanany jalǵa alýshynyń ustalǵanyn habarlaǵan bolatyn. Kúdikti ýaqytsha ustaý ızolıatoryna qamaldy. Qadaǵalaý organy sonymen qatar tergeý aıasynda jataqhana jumysyna qatysy bar barlyq tulǵalardyń áreketi qadaǵalanatynyn atap ótti.
«Adyrna» ulttyq portaly
