Qarasai audandyq soty 15 şılde künı Almaty oblysynyŋ taularynda motosikl jürgızuşılerın qamşymen sabap, myltyq kezegen bır top azamatqa qatysty şeşım şyǧardy, dep habarlaidy “Adyrna” ūlttyq portaly.
Mälımetke säikes, Almaty oblysy Qarasai audandyq sotynda toptyq būzaqylyq (QK-nıŋ 293-baby 3-tarmaǧy boiynşa) jasady degen küdıkpen aiyptauşylar N., O., A.-ǧa qatysty Qarasai audany polisiia basqarmasynyŋ «qamauda ūstau» türındegı būltartpau şarasyn sanksiialau turaly ötınışhaty qaraldy.
Is boiynşa jäbırlenuşı sot otyrysynda qazırgı uaqytta küdıktılermen tatulasqanyn körsetıp, olardy qoǧamnan oqşaulamaityn būltartpau şarasyn qoldanudy sūraǧan.
«Sot QPK-nıŋ 55, 146-148-baptarynyŋ normalaryn eskere otyryp, «qamauda ūstau» türındegı būltartpau şarasyn sanksiialau üşın negızderdıŋ bolmauyna bailanysty atalǧan būltartpau şarasyn sanksiialau turaly ötınışhatty qanaǧattandyrudan bas tartty jäne «eşqaida ketpeu jäne tiıstı mınez-qūlqy turaly qolhat» türındegı būltartpau şarasyn taŋdady», - delıngen sot habarlamasynda.
Qauly zaŋdy küşıne engen joq.
Aita keteiık, būǧan deiın Almaty taularynda enduro-motosiklşılerıne şabuyl jasalǧany turaly habarladyq.
Ūqsas jaŋalyqtar
