Batys Qazaqstan oblysynyŋ äkımı öŋırdegı jaǧdaidy baiandady, dep habarlaidy "Adyrna" tılşısı Tengrinews.kz-ke sıltep.
Aimaq basşysy oblysta su tasqyny jaǧdaiynyŋ şielenıskenın aityp, Jaiyq özenındegı su deŋgeiı 7 metrge jetıp, şektı deŋgeige jaqyndaǧanyn aitty.
Oblystaǧy Aqjaiyq, Börlı, Bäiterek, Terektı audandarynda, Oral qalasynyŋ Jaiyq özenınıŋ boiynda ornalasqan audandarynda 94 eldı mekendı su basu qaupı tönıp tūr. Oblys äkımı:
«Barlyq resurstardy jūmyldyrdyq, Jaiyq özenınıŋ jaǧalauyndaǧy asa qauıptı uchaskelerde bögetter salynuda.Jaǧalaudy nyǧaitu jūmystaryna 200 bırlık tehnika jūmyldyrylyp, 1000-ǧa juyq adam jūmyldyrylǧan», - dedı Nariman Töreǧaliev.Nariman Töreǧaliev Memleket basşysy su tasqyny jaǧdaiyna bailanysty Qazaqstan halqyna Joldauynda tabiǧi apattan zardap şekken bırde-bır tūrǧynnyŋ kömeksız qalmaitynyn atap ötkenın eske saldy.
«Zardap şekkenderge oblys jūrtşylyǧy da ülken qoldau körsetude. Oblystyŋ käsıpkerlerı, qoǧamdyq bırlestıkter, volonterlar jäne qarapaiym oblys tūrǧyndary kömektesude, būl üşın olarǧa ülken alǧys aitamyz. Endı taǧy bır ret eske salǧym keledı. Osy qiyn kezeŋde sabyrlylyq tanytyp, bır-bırımızge qoldau körsetuımız qajet. Sonymen qatar qazırgı su tasqyny jaǧdaiy turaly resmi aqparat közderıne ǧana senulerıŋızdı sūraimyn», - dedı oblys äkımı.
Ūqsas jaŋalyqtar
