Búgin Qorqyt ata atyndaǵy Qyzylorda ýnıversıtetiniń stýdentteri men oqytýshylary Memleket basshysynyń bastamasymen júzege asyp jatqan «Taza Qazaqstan» ekologııalyq akııasy aıasynda bastaý alǵan "Taza Qazaqstan - taza aımaq" oblystyq akııasyna ýnıversıtettiń Botanıkalyq baǵynda aǵash kóshetterin otyrǵyzyp, tazalyq jumystaryn júrgizdi.
Akııa barysynda ýnıversıtettiń 100-den astam stýdentteri men aǵa býyn oqytýshylary 500-ge jýyq aǵash kóshetterin otyrǵyzyp, qalanyń jasyl jelekke aınalýyna atsalysty.
Aımaqtyń eń úlken irgeli oqý orny Qorqyt ata ýnıversıtetiniń Botanıkalyq baǵy qalaǵa kórik beretin jasyl jelek ǵana emes, stýdentterdiń tájirıbelik sabaqtarynyń bazasy bolyp tabylady.
Atalǵan oqý ornynyń stýdentteri jyl saıyn dástúrli túrde kóktemgi kógaldandyrý jumystary men aǵash kóshetterin otyrǵyzýǵa belsendi qatysyp keledi.
Jýyrda respýblıka aýmaǵynda bastaý alǵan «Taza Qazaqstan» ekologııalyq akııasyna oraı aımaq basshysy N.Nálibaevtyń úndeýine bir aýyzdan qoldaý bildirgen ýnıversıtet stýdentteri kóterińki kóńil-kúımen belsendilik tanytty.
