"6 şıldede Nūr-Sūltan jäne Almaty qalalarynda rūqsat etılmegen mitingıge şyqqan 100-den asa adam ūstaldy, 44 adam äkımşılık jauapkerşılıkke tartyldy, 19-y äkımşılık qamauǧa alyndy, taǧy 23 adamǧa aiyppūl salyndy, qalǧandary äŋgıme jürgızılıp, üiıne jıberıldı", - dedı Tūrǧymbaev ükımet otyrysynan keiın kuluarda.
Aita keteiık, 6 şıldede, mereke künı, Nūr-Sūltan jäne Almaty qalalarynda rūqsat etılmegen mitingıler ötkızuge äreket jasaldy. Prokuraturanyŋ bırneşe ret eskertuıne qaramastan, jekelegen azamattar tyiym salynǧan ekstremistık ūiymnyŋ arandatuşylyq şaqyrularyna ūşyrady. Olardyŋ keibıreulerı basqa azamattardyŋ tynyştyǧy men qauıpsızdıgıne qauıp töndıre otyryp, Qūqyq qorǧau qyzmetkerlerıne qatysty qūqyqqa qarsy äreketter jasai bastady. Osyǧan bailanysty ışkı ıster organdary qoǧamdyq tärtıptı būzudyŋ jolyn kesu boiynşa zaŋda közdelgen şaralardy qabyldaǧany aitylady. Ūiymdastyruşylar men belsendı qatysuşylar polisiia bölımşelerıne jetkızılgen. Jeke tūlǧalardan tütın şaşkalary men travmat qaruy tärkılengen. "Tärtıp būzuşylardy ūstau barynşa dūrys jürgızıldı, arnaiy qūraldar qoldanylǧan joq", - dep mälımdedı IIM ökılderı.
"Adyrna" ūlttyq portaly
