Almatyda bırneşe ai būryn avtobustaǧy oqiǧa 3 adamnyŋ ölımıne äkelgen. Qazır jol apatyna kınälı dep tanylǧan azamatqa qatysty sot otyrysy jalǧasyp jatyr, dep habarlaidy "Adyrna" tılşısı Stan.kz-ke sıltep.
Bügınde ıs Almaty qalasyndaǧy Alatau audandyq sotynda qaraluda. Sottaluşy – avtobus apatyna kınälı dep tanylǧan 32 jastaǧy Darhan Ahmetjanov.
Sot barysynda sottaluşynyŋ avtobus jürgızuşısın ūrǧany baiqalǧan beinejazba körsetıldı. Kuägerlerdıŋ sözınşe, jürgızuşı küdıktını jolaqysyn tölemegenı üşın kölıkten tüsırmei qoiǧanyn körınedı.
Al sottaluşy jürgızuşınıŋ özıne balaǧat sözder aityp osy arqyly özın arandatqanyn alǧa tartty.
“Maǧan “men sen siiaqty maldardy bılemın” dep tüsırmei qoidy”, – dep aqtalady Ahmetjanov.
Al Sudia sottaluşydan jürgızuşını ne sebeptı ūrǧanyn sūrady.
“Jaraidy, sızge balaǧat sözder aitsyn delık. Avtobustan tüskesın polisiia şaqyryp, aryz jazyp, nege basqaşa äreket etpedıŋız. Ne sebeptı ūrdyŋyz?! Qolyŋyzda pyşaq bolsa, sūǧyp alar ma edıŋız?! Qolyŋyzdy nege qoldanasyz?”, – dedı sudia.
Er adam öz äreketıne qatty ökınetının aityp, aqtalǧan.
Eske sala keteiık, Almatyda 2023 jylǧy 22 jeltoqsanda 18 saǧat 15 minutta 47-baǧyttaǧy qoǧamdyq kölıktıŋ jolauşysy janjal saldarynan jürgızuşı äieldı ūrǧan, ol esınen tanyp, kölıktı basqara almai bırneşe adamdy basyp ketken. 3 adam qaza tapqan.
Ūqsas jaŋalyqtar
