Reseıdiń Orynbor oblysy Orynbor aýdanyndaǵy Jaıyq ózeninde sý deńgeıi 1054 sm-ge deıin kóterildi. Bul týraly búgin Orynbor oblysynyń úkimeti óziniń Telegram kanalynda jazdy, dep habarlaıdy “Adyrna” ulttyq portaly.
«11 sáýir kúni saǵat 06:00-degi jaǵdaı boıynsha Jaıyq ózenindegi sý deńgeıi 1054 sm quraıdy», - delingen aýdan ákimdigi taratqan habarlamada.
Buǵan deıin Jaıyqtyń Reseı bóliginde bóget buzylyp, turǵyndardy evakýaııalaý bastalǵany týraly habarlanǵan bolatyn. QR Tótenshe jaǵdaılar mınıstrliginen RF Tótenshe jaǵdaılar mınıstrligindegi áriptesterimen tikeleı baılanysta bolyp, jaǵdaıdy qadaǵalap otyrǵanyn málimdedi.
Osyǵan baılanysty jaǵdaıdy baqylaý jáne bolýy múmkin tótenshe jaǵdaılarǵa jedel den qoıý maqsatynda qalanyń jedel qyzmetteri kúsheıtilgen rejımge kóshirildi.
Buǵan deıin Orynbor oblysyndaǵy jaǵdaıǵa Tótenshe jaǵdaılar mınıstrligi basshysynyń usynysymen federaldyq aýqymdaǵy tótenshe jaǵdaı mártebesi berilgen bolatyn.
Kóktemgi sý tasqynynan Reseıdiń 39 oblysy zardap shekti. Eń kóp zardap shekken Orynbor oblysy, 5 sáýirde Orsk qalasynda ornalasqan bóget buzylyp, myńdaǵan úı men ýchaskeni sý basyp qaldy.
