Batys öŋırlerdı sudan qorǧau üşın 10 myŋ äskeri qyzmetşı jūmyldyryldy – Oljas Bektenov

1518
Adyrna.kz Telegram
https://adyrna.kz/content/uploads/2024/04/su-tasqyny-960x500.jpeg?token=fb52d383236d5610a4230aee4d1f6edf

Qazaqstan premer-ministrı Oljas Bektenov su tasqynyna qarsy ıs-şaralardy üilestıru jäne su tasqyny saldaryn joiu jönındegı respublikalyq ştabtyŋ jūmys keŋesın ötkızdı, dep habarlaidy “Adyrna” ūlttyq portaly.

Basty mäsele – su tasqynynyŋ ekınşı tolqyny qarsaŋynda batys öŋırlerdegı jaǧdai.

Vise-premer Qanat Bozymbaev Resei Federasiiasynan Jaiyq özenı arqyly kölemdı sudyŋ kütılıp otyrǧany turaly baiandady. Batys Qazaqstan oblysynda jaŋbyr jauady. Saqmar özenınıŋ deŋgeiı köterıle bastady. Boljam boiynşa, Jaiyq jäne Saqmar özenderınıŋ joǧarǧy jaǧynan säuır aiynyŋ ekınşı onkündıgınde Batys Qazaqstan oblysynyŋ aumaǧyna su keledı.

"Qazırgı uaqytta Oral qalasyndaǧy Jaiyq özenındegı su deŋgeiı – 728 sm, ol 850 sm qauıptı mejege jaqyndaidy dep boljanyp otyr. Batys Qazaqstan oblysynan sudyŋ keluıne bailanysty Atyrau oblysynda ötken täulıkte Jaiyq özenındegı gidrobeketterde de su deŋgeiınıŋ şamaly köterıluı baiqalady", - delıngen habarlamada.

Säuırdıŋ üşınşı onkündıgınde ülken sudyŋ keluı kütıledı. Ükımet basşysy Oljas Bektenovtıŋ tapsyrmasy boiynşa onyŋ Batys Qazaqstan jäne Atyrau oblystaryna jūmys saparlarynyŋ qorytyndysyna säikes äkımdıkterdıŋ, TJM, IIM jäne Ūlttyq ūlannyŋ, Qorǧanys ministrlıgınıŋ küşterı men

qūraldary jūmyldyryldy. Batys Qazaqstan oblysynda avariialyq-qūtqaru jūmystaryn jürgızu üşın küştık qūrylymdar 6 myŋ adamǧa, Atyrau oblysynda 4 myŋ adamǧa deiın jetkızıledı.

Elımızdıŋ är öŋırınen 4 myŋǧa juyq tehnika jıberıldı. Premer-ministr qorǧanys jäne ışkı ıster ministrlerıne qajet bolǧan jaǧdaida qosymşa jeke qūram men tehnika jıberudı tapsyrdy.

"Oral men Atyrau boiynşa küşter men qūraldardy barynşa jūmyldyru qajet. Qazır ülken sudy eldı mekenderge jetkızbei, būryp äketu maŋyzdy. Bügın qosymşa äskeri qyzmetşıler men tehnika jıberıle bastady. Su aǧysynyŋ qarqynyn eskere otyryp, bırınşı kezekte Oraldy, odan ärı Atyraudy küşeitemız", — dedı Oljas Bektenov.

Ükımet basşysy ekı oblys äkımdıkterıne kelgen äskeri qyzmetşılerdı barlyq qajettı zattarmen qamtamasyz etu, sondai-aq tehnikaǧa janarmai qūiu mäselesın şeşu jönınde tapsyrma berdı. Bügıngı taŋda segız oblysta jergılıktı auqymdaǧy tötenşe jaǧdai rejimı jalǧasuda. Su basqan aimaqtardan barlyǧy 97 myŋ tūrǧyn evakuasiialandy. 11 säuırdegı jaǧdai boiynşa Pavlodar jäne Abai oblystarynda su tasqyny jaǧdaiynyŋ tūraqtanuyna bailanysty TJ rejimderı alynyp tastaldy.

Pıkırler