Sý resýrstary jáne ırrıgaııa mınıstrligi eldimekenderdi sý tasqynynan qorǵaý jáne tasqyn sýyn jınaý maqsatynda 20 sý qoımasyn salady. Bul týraly 11 sáýirde OKQ-da ótken brıfıng barysynda mınıstrliktiń resmı ókili Móldir Ábdýalıeva aıtty, dep habarlaıdy «Adyrna» tilshisi.
Jańa sý qoımalary 11 oblysta boı kótermek.
«Bes sý qoımasynyń qurylysyn bıyl bastaý josparlanyp otyr. Jańa sý qoımalary sýarmaly jerlerdiń aýdanyn 250 myń gektarǵa ulǵaıtýǵa jáne 137 myń turǵyny bar 70 eldi mekendi sý basý qaýpin azaıtýǵa septigin tıgizedi. Sondaı-aq, elimizdegi jumys istep turǵan 15 sý qoımasyna rekonstrýkııa jasalady. Bul 70 myń adam turatyn 64 eldi mekendi sý basý qaýpin azaıtýǵa, sondaı-aq 74 myń ga sýarmaly jerge sý berýdi jaqsartýǵa múmkindik beredi», - dedi Móldir Ábdýalıeva.
Aıta keteıik, qazirgi ýaqytta SQO-da sý tasqyny jalǵasyp jatyr. Al BQO-da Irekli sý qoımasynan jiberilgen sý Qazaqstan shekarasyna ázirge jetken joq. Bul sý 15-20 sáýirde keledi dep kútilip otyr.
Shyǵys Qazaqstan oblysynda úsh iri sý qoımasynyń ortasha sý jınaý kólemi 84,8%. Óńirde sý tasqyny bastaldy, sondyqtan Ertis sý qoımalarynyń kaskady boıynsha sý jiberilip jatyr.
Qazgıdromettiń málimetinshe, Jabaı ózeniniń rettelmeıtin aǵyny artyp keledi. Sondyqtan Aqmola oblysynyń Atbasar aýdanynda sý tasqyny qaýpi bar.
«Mınıstrlik, óńir ákimdigi jáne TJD qaýiptiń aldyn alý úshin belsendi jumys istep jatyr», - dedi Sý resýrstary jáne ırrıgaııa mınıstrliginiń resmı ókili.
Aqtóbe oblysynda eki iri sý qoımasy 97%-ǵa toldy. Óńirdegi jaǵdaı turaqty.
Mınıstrlik mamandary tasqyn sýyn apatsyz ótkizý jáne ony jınaý jumystaryn qadaǵalaýda.
