Atyraý oblysynyń Qulsary qalasynda tasqynnan zardap shekken úı ótemaqysy boıynsha narazylyq ekijaqty kelisimge qol jetkizýdiń arqasynda aıaqtaldy. Bul týraly búgin, 22 mamyrda Ishki ister vıe-mınıstri Marat Qojaev málimdedi, dep habarlaıdy “Adyrna” ulttyq portaly.
Narazylyqqa shyǵýshylar shatyrlardy jınap alyp, ortalyq joldy ashty. Qazir turǵyndar búlingen baspanany baǵalaý týraly kelisimge qol qoıyp jatyr.
«Qulsary tóńireginde búgin jurt alańnan ketti. Meniń túsinýimshe, konstrýktıvti konsensýsqa qol jetkizildi. Qulsaryda da, Oralda da eshkim qamaýǵa alynǵan joq. Ótemaqy tóleýdi talap etken adamdar qamaýǵa alynbady», - dedi Qojaev sársenbi kúni Májilis syrtynda.
«Aq Jaıyq» basylymynyń habarlaýynsha, sherýge shyǵýshylar óz erkimen shatyrlaryn alyp, alańnan tarqasty. Basshylyq baspanany baǵalaý ádil ótedi dep sendirdi.
Atyraý oblysynyń ákimdigi Qulsary qalasyndaǵy sý tasqyny saldarynan zardap shekken turǵyn úılerdi baǵalaý osy aptada aıaqtalady dep ýáde berip otyr.
Esterińizge sala keteıik, Atyraýdaǵy Qulsary qalasynyń turǵyndary 15 mamyr kúni ákimdik ǵımaratynyń aldyna ekinshi ret narazylyqqa shyqty. Jınalǵandar tozyǵy jetken úıdiń ár sharshy metri úshin 400 myń teńgeden tólem talap etken.
