Foto: Gov.kz
Senattyŋ jalpy otyrysynda Mäjılıs qabyldaǧan "Qazaqstan Ükımetı men Türkiia Ükımetı arasyndaǧy Qazaqstan men Türkiianyŋ äue keŋıstıgı arqyly äskeri mülık pen personaldy tranzitteu turaly kelısımdı ratifikasiialau turaly" zaŋdy maqūldady, dep habarlaidy “Adyrna”.
Atalǧan qadam ekı el arasyndaǧy qorǧanys salasyndaǧy yntymaqtastyqty damytuǧa septıgın tigızedı dep atap ötılgen.
Qūjatty senator Darhan Qydyrälı tanystyrdy. Kelısımge ekı memleket aumaǧynyŋ üstınen äskeri mülık pen personaldy äue arqyly tranzitteu üşın taraptar elderdıŋ äue keŋıstıgın özara paidalanu, äskeri yntymaqtastyqqa qolaily jaǧdai jasau jäne şarttardy retteu maqsatynda 2024 jylǧy 11 qyrküiekte qol qoiylǧan.
"Kelısım Qazaqstan Respublikasyna BŪŪ-nyŋ bıtımgerşılık missiialary şeŋberınde belgılengen jerlerge jetu üşın Türkiia äue keŋıstıgın jüielı türde paidalanuǧa mümkındık beredı. Özderıŋızge mälım, "Qazaqstan Respublikasynyŋ ūlttyq qauıpsızdıgı turaly" Zaŋǧa säikes Qazaqstan Respublikasy ratifikasiialaǧan halyqaralyq şartta közdelgen jaǧdaidan basqa, Qazaqstan aumaǧy arqyly şet memlekettıŋ äskeri qūrylymdaryn, qaru-jaraǧy men äskeri tehnikasyn tranzitteuge jol berılmeidı", – dedı deputat.
Kelısım taraptarǧa qauıpsızdık pen baqylau tetıkterın qamtamasyz etedı. Äskeri mülık pen personal tranzitı tek ekı memlekettıŋ uäkılettı organdary beretın rūqsat negızınde jürgızıledı.
"Rūqsattarǧa sūrau salular belgılengen merzımderde diplomatiialyq arnalar arqyly berıledı. Jyldyq rūqsat tek äskeri-transporttyq aviasiiaǧa berıletının atap ötemız. Diplomatiialyq rūqsattyŋ bır jyldyq nömırı äskeri mülık pen personal, sonymen qatar resmi delegasiialar, gumanitarlyq kömek, oqu-jattyǧulardy qamtamasyz etu, diplomatiialyq jük tranzitı üşın qoldanylady. Būl rette ärbır memleket tranzitke kez kelgen rūqsat beru turaly sūrau saludan bas tartu, sondai-aq äskeri mülık pen personaldyŋ tranzitı osy Kelısımnıŋ erejelerıne säikes kelmeitın jaǧdaida berılgen rūqsattyŋ qoldanyluyn toqtatu nemese qaitaryp alu qūqyǧyn özıne qaldyrady", – dep atap öttı ol.
Darhan Qydyrälı kelısımdı ratifikasiialau äue kemelerıne ekı memlekettıŋ äue keŋıstıgın paidalanuǧa mümkındık beretının jetkızdı.
Senator Älışer Satvaldievtıŋ sözınşe, Qazaqstan üşın bauyrlas Türkiiamen strategiialyq yqpaldastyqty odan ärı nyǧaitu – syrtqy saiasatymyzdyŋ maŋyzdy basymdyqtarynyŋ bırı.
"Qūjatta äskeri mülık pen personaldyŋ tranzitın retteudıŋ naqty tetıkterı aiqyndalǧan, uäkılettı organdar arasyndaǧy özara ıs-qimyl tärtıbı jüielenıp, räsımder oŋtailandyrylady. Eŋ bastysy Qazaqstan Respublikasynyŋ egemendıgı, ūlttyq müddesı men qauıpsızdık basymdyqtary tolyq saqtalady. Elımız kez kelgen jaǧdaida tranzitke rūqsat bermeuge nemese ony toqtatuǧa tolyq qūqyly. Būl – asa maŋyzdy saiasi ärı qūqyqtyq kepıldık", – dedı ol.
