Memleket basşysy Qasym-Jomart Toqaevtyŋ Fransiiaǧa resmi sapary qarsaŋynda Parijde Qazaqstan Mädeniet jäne aqparat ministrı Aida Balaeva Fransiianyŋ Mädeniet ministrı Raşida Datimen kezdestı. Bül turaly ministrlıktıŋ baspasöz qyzmetı mälımdedı, dep habarlaidy “Adyrna” ūlttyq portaly.
Kezdesu barysynda taraptar muzeiler jäne mädeni mūra salasyndaǧy yntymaqtastyq nietı turaly deklarasiiasyn, sondai-aq Qazaqstan Respublikasynyŋ Ūlttyq muzeiı men Gime muzeiı arasyndaǧy özara tüsınıstık turaly memorandumdy qosa alǧanda, bırqatar kelısımderge qol qoidy.
«Qazaqtyŋ tarihi jäne mädeni mūrasyn jahandyq gumanitarlyq keŋıstıkke nasihattau jäne integrasiialau — memlekettıŋ mädeni saiasatyndaǧy basymdyqtardyŋ bırı», - dedı Aida Balaeva.
Sondai-aq, ǧylymi-zertteu salasyndaǧy yntymaqtastyqty küşeitu jäne «Courants du Monde» baǧdarlamasy aiasynda qazaqstandyq mamandarǧa arnalǧan taǧylymdamalar ūiymdastyru ūsynyldy.
«Prezident Toqaevtyŋ Fransiiaǧa būl memlekettık sapary mädenietke qatysty köptegen mäselelerdı qamtitynyna quanyştymyn. Bügın bız bırneşe memorandumǧa qol qoiamyz. Būl aradaǧy tyǧyz yntymaqtastyqty körsetedı. Sonymen qatar, Gime muzeiınde Qazaqstannyŋ ūlttyq körmesınıŋ ūiymdastyryluy – bızdıŋ qarym-qatynastarymyzdyŋ naqtylyǧy men tiımdılıgınıŋ dälelı», – dedı Fransiianyŋ Mädeniet ministrı Raşida Dati.
Aida Balaeva Qazaqstan men Fransiia arasyndaǧy qarym-qatynastardy nyǧaitatyn jaŋa bırlesken jobalarǧa negız bolatynyna senım bıldırdı.
«Bız kinoöndırıs salasy, qazırgı zamanǧy qazaq ädebietın Fransiiada jäne kerısınşe fransuz ädebietın bızde tanystyru, konserttık ūiymdardyŋ özara ıs-qimyly jäne balalar kontentıne qatysty bırlesken mädeni ıs-şaralar ötkızu mümkındıkterın qarastyruymyzǧa bolady», — dedı A.Balaeva.
Odan bölek, muzei saraptamasy boiynşa täjıribe almasu, tarihi mūrany saqtau jäne muzei ısıne jaŋa tehnologiialardy engızu mäselelerı talqylandy. Ekı eldıŋ ministrlerı kreativtı industriia, onyŋ ışınde, sän salasyndaǧy yntymaqtastyqqa qyzyǧuşylyq tanytty. Aida Balaeva etnikalyq sänge jäne onyŋ älemdık deŋgeidegı körsetılımıne nazar audarudy ūsyndy.
Aita ketsek, Qasym-Jomart Toqaev Fransiia Respublikasyna memlekettık saparmen barǧanyn jäne prezidenttıŋ fransuz basylymyna maqala jariialaǧanyn habarladyq.Ūqsas jaŋalyqtar
