Premer-mınıstr sý tasqyny kezeńiniń zardaptaryn joıý jónindegi respýblıkalyq shtabtyń otyrysyn ótkizdi, dep habarlaıdy "Adyrna" ulttyq portaly.
Qurylǵan shtabtyń negizgi mindeti – sý tasqynyna qarsy is-sharalardy júrgizý jáne azamattardyń qaýipsizdigin qamtamasyz etý jónindegi qyzmetti úılestirý.
Shtab basshysy – Premer-mınıstr Oljas Bektenov bolsa, Premer-mınıstrdiń sý jańa orynbasary Qanat Bozymbaev shtab basshysynyń orynbasary bolyp taǵaıyndaldy.
Otyrys barysynda Memleket basshysynyń tapsyrmalarynyń oryndalýy jáne sý tasqynyna qarsy is-sharalardy kúsheıtý týraly mınıstrler men óńirlerdiń ákimderi tyńdaldy.
Búginde TJ aımaqtarynan 11 306 adam evakýaııalanǵan. Ýaqytsha ornalastyrý beketterinde 5 456 adam bar.
TJ jarııalanǵan óńirlerde 40 avtojoldy, kópirdi jáne 39 jol tósemin sý shaıyp ketken. Qazir qalpyna keltirý jumystary baqylaýǵa alyndy.
"TJ aımaqtaryndaǵy halyqqa kómek kórsetý táýlik boıy, onyń ishinde áýe kemeleriniń kómegimen júzege asyrylyp jatyr. Jumysqa 7 myńnan astam adam, 2 myńnan astam tehnıka, onyń ishinde sý aıdaý quraldary, júzý jáne áýe kemeleri tartyldy", - delingen Úkimettiń baspasóz qyzmeti taratqan habarlamada.
Úkimet Aqtóbe, Sazdy, Aysý, Jartas sý qoımalary tranzıttik rejımde jumys istep tur, belsendi túrde sý jiberý júzege asyrylyp jatqanyn aıtady. Úıi apatty dep tanylǵan zardap shekken azamattardyń tizimin jergilikti ákimdikter jasaıtyn bolady
"Memleket basshysy sý tasqynyna qarsy is-sharalardy qanaǵattanarlyqsyz dep synǵa aldy. Qazirden bastap apattan keltirilgen zalaldyń kólemin baǵalaýdy bastap, zardap shekken adamdarǵa dereý materıaldyq kómek kórsetýge kirisý kerek. Sondaı-aq bolashaqta mundaı aýqymdy sý tasqynynyń aldyn alý úshin keshendi sharalar ázirleý qajet. Ár óńirde naqty is-qımyl jospary bolýǵa tıis", - dedi shtab tóraǵasy Oljas Bektenov.
