Qasym-Jomart Toqaev Prezident janyndaǧy Ǧylym jäne tehnologiialar jönındegı Ūlttyq keŋestıŋ otyrysyn ötkızdı. Jiynda elımızdıŋ ǧylymi-tehnikalyq saiasatynyŋ aldaǧy basymdyqtary aiqyndaldy.
Memleket basşysy qai zamanda da damudyŋ basty kıltı ǧylym ekenın atap öttı.
Qazırgı taŋda zaman öte jyldam özgerıp jatyr. Bız osy özgerıske beiımdeluımız kerek. Äitpese örkeniet daŋǧylynan qalyp qoiuymyz mümkın. Tüpkı maqsatymyz – köşke ılesetın emes, sol köştı bastaityn elderdıŋ qatarynda bolu. Būl maqsat, ärine, öte kürdelı. Degenmen, ǧylymi jetıstıkterge jetu qazırgı kezdıŋ basty talaby bolyp tūr.
Jalpy, atalmyş keŋes Qasym-Jomart Toqaevtyŋ şeşımı boiynşa Qazaqstanda ǧylymnyŋ zamanaui modelın qalyptastyrudaǧy alǧaşqy qadamdardyŋ bırı retınde qūryldy. El basşylyǧyndaǧy osyndai joǧary konsultativtık-keŋesşı organ üzdık älemdık täjıribege säikes keledı, mysaly mūndai ūiymdar AQŞ, Fransiia, Singapur jäne basqa elderde bar. Negızgı mındet — eldegı ǧylymdy damytudyŋ basymdyqtaryn aiqyndau, sondai-aq Memleket basşysynyŋ ǧylymi qoǧamdastyqpen tıkelei bailanys arnasyn qalyptastyru. Sonymen bırge, qazır «Ǧylym men tehnologiialyq saiasat turaly» zaŋ jobasy talqylanu üstınde.
Osyǧan orai, bügıngı ötken keŋeste Prezident otandyq ǧylymdy damytudyŋ bes baǧyty boiynşa Ükımetke bırneşe tapsyrmalar berdı.
Keŋeste taǧy bır maŋyzdy qadam jiynda aitylǧan şeteldık ǧylymi ortalyqtarda jūmys ıstep jürgen ǧalymdarymyzdy elge qaitaru turaly ūsynysty qoldaitynyn aitty. Memleket elge oralyp, ūltqa qyzmet maqsatynda zertteu jürgızuge daiyn ǧalymdarǧa barlyq qajettı qarjylyq-ūiymdastyruşylyq kömek beruge daiyn ekendıgın de jetkızdı.
Öitkenı, elımzde ǧylym salasyndaǧy bılıktı kadr tapşylyǧyn şeşu, otandyq ǧylymnyŋ äleuetın köteru öte maŋyzdy şeşım bolyp tūr. Sondyqtan, Q.Toqaev ozyq oily ǧalymdardy tartu baǧytyndaǧy älemdık täjıribenı tereŋ zerttep, käsıbilıgı joǧary şeteldık mamandardy el igılıgıne jūmys ıstetudıŋ barlyq mümkındıkterın qarastyrudy tapsyrdy.
Sebebı, Prezident «Ǧalymdar otanymyzdyŋ ǧylymi-tehnikalyq damu köşın bastauy kerek. Sebebı, ǧylym myqty bolsa, memlekette quatty bolady»-dedı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz