Atyrau oblysynda su basu kezınde joǧalǧan er adamnyŋ denesı tabyldy, dep habarlaidy "Adyrna" tılşısı.
Qūlsary qalasynda qūtqaruşylar su tasqyny kezınde öz üiın tekseruge ketken äkelı-balalyny bır aptadan berı ızdestırıp jatqany habarlanǧan. Alaida 1976 jyly tuǧan er adamnyŋ denesı bügın su astynan tabylǧan.
Jurnalist Dias Nūraqyn Facebook jelısındegı paraqşasynda:
"Qūlsaryda suǧa ketken ekı adamnyŋ bırı tabyldy. Äkesı men balasy su basqan üilerın körıp kelemız dep ız-tüzsız joǧalǧan edı. Bügın äkesınıŋ denesı su astynan tabyldy", - dep jazdy.Eske sala keteiık, 6 säuırden berı Qūlsary qalasynda qūtqaruşylar üilerdı su basu kezınde joǧalǧan äkesı men 2000 jylǧy ūlyn ızdestırıp jatqany turaly jazǧan edık. Olar Jylyoi audany Qūlsary qalasy 4-yqşam audanyndaǧy Avtodorojnik köşesınde ornalasqan üidıŋ tūrǧyndary. Qazır joǧalǧan balany ızdeu jūmystary jalǧasyp jatyr.
Ūqsas jaŋalyqtar
