Soltústik Qazaqstan oblysyndaǵy Sergeev sý qoımasy 153% tolyp ketti, dep habarlaıdy "Adyrna" tilshisi.
Bul týraly SQO TJD Aqparattyq-analıtıkalyq tobynyń bas mamany Jazıra Qojahmetova aıtty.
Onyń sózinshe Esil ózeninde sý deńgeıi áli joǵarylap jatyr.
«Oblysymyzdaǵy jaǵdaı áli de kúrdeli. Sergeev sý qoımasy 153% tolyp, sý bóget sheginen 2 metr 67 sm asty. Táýlik ishinde bul deńgeı 8 sm tómendese de, Esil ózeninde sý deńgeıi áli joǵarylaýda. Osy oraıda ózen jaǵasynyń mańynda ornalasqan Qyzyljar aýdanynyń eldi mekenderi men Petropavl qalasynda úılerdi sý basty», - dedi spıker Respýblıkalyq aqparattyq shtabta ótken brıfıngte.
Qazirgi sátte atalǵan oblysta 2023 úı jáne 1115 úı mańyndaǵy aýmaqtardy sý basqan.
«Negizgi soqqy Qyzyljar aýdanynyń kentterine keldi. Sondaı-aq, Petropavl qalasynyń Hromzavod jáne Oıqala shaǵyn aýdandarynda táýlik ishinde 1 324 úıdi sý basty. Onda 5072 adam kóshirildi», - deıdi bas maman.
Jalpy oblys boıynsha barlyǵy 10 345 adam, onyń ishinde 2328 bala qaýipsiz jerge evakýaııalanǵan. Sonymen qatar, 3530 mal qaýipsiz jerge aıdalǵany da málim boldy.
