Sot bılım jäne ǧylym vise-ministrın kınälı dep tanyp, 6 million teŋge aiyppūl saldy
Bılım jäne ǧylym vise-ministrı Elmira Suhanberdieva prosessualdy kelısımge ne üşın barǧanyn tüsındırdı. Bügın ony sot zalynda bosatty, dep habarlaidy Sputnik Qazaqstan tılşısı.
Sottyŋ şeşımıne säikes, vise-ministr memlekettık mektepte jekemenşık bılım beru mekemesın aşyp, käsıpkerlık qyzmetpen ainalysqany üşın kınälı dep tanyldy. Būdan bölek, qyzmettık ökılettılıgın asyra paidalanyp, ministrlıkke qarasty mekemelerge aifondar men planşetterdı aldyrtqany bar. Osy qylmystar üşın oǧan 6 million teŋgege juyq aiyppūl salyndy.
https://youtu.be/tBmrVCs8ZJk
"Jeke käsıpkerlık jūmysqa qatysty aitarym, ol jūmys älı bastalǧan joq. İä, menıŋ tuysqandarym jekemenşık mekteptı basqarudy josparlaǧan. Bıraq kredit endı ǧana alynyp, räsımdeu şaralary jürgızılıp jatqan. Jeke mektep tek qyrküiek aiynda ǧana aşylady degen jospar boldy. Bıraq zaŋ bar. Men öz kınämdı moiyndadym. Degenmen, Joǧarǧy sotta älı şeşım bolady dep oilaimyn, sottyŋ şeşımıne älı de şaǧym tüsıretın bolamyn", - dedı Suhanberdieva jurnalisterge bergen sūqbatynda.
Būdan bölek, vise-ministr qyzmetın asyra paidalanyp, jeke käsıpkerlerge aifon men planşetterdı nege aldyrtqanyn da tüsındırdı."Endı, bärı balalar üşın ǧoi. Qazaqstannyŋ tükpır-tükpırınen köpbalaly otbasydan jäne jetım balalar keldı. Olar bır ǧana kıtappen ketpesın dep planşetterdı aldyrttyq. Men Joǧarǧy sotqa aryz tüsırıp, zattai aiǧaq retınde tärkılengen ekı aifon men planşetterdı qaitarudy sūraityn bolamyn. Men öz jazamdy aldym ǧoi. Balalar bolsa, öz syilyqtaryn aluy qajet. Qaitarmasa, bırdeŋe oilastyramyn. Memleket qarjysynan bır tiyn alynǧan joq. Al, erlık jasaǧan taǧy ekı balamen söileskende, "apai ūialy telefon armanym edı, sony alyp berseŋız" dedı. Bır bala üş qaryndasyn ottan alyp şyqty. Ekınşısı ekı jasar balany qūdyqtan alyp şyqty...", - dedı Suhanberdieva.
Osydan keiın vise-ministr sūqbatty ary qarai jalǧastyra almai, jylap jıberdı.
"Adyrna" ūlttyq portaly
