2022 jyly 17 qazanda eks-ministr Quandyq Bişımbaev pen Saltanat Nükenovanyŋ nekesın qiǧan respublikalyq bas meşıttıŋ imamy Qanat Qydyrminge qatysty tärtıptık şara qoldanyldy. Būl turaly müftiiattyŋ baspasöz hatşysy Aǧabek Qonarbaiūly aitty, dep habarlaidy «Adyrna» tılşısı.
«2022 jyldyŋ 17 qazanynda Astana qalasyndaǧy Respublikalyq bas meşıtte Q.Bişımbaev pen S.Nükenovanyŋ öz ötınışterı boiynşa kuägerlerdıŋ qatysuymen olardyŋ nekelerı qiylǧan. Atalǧan azamattardan jäne olardyŋ tuystarynan AHAT bölımıne tırkelgenın rastaityn kuälık talap etılgende, «jasalyp jatyr» dep jauap bergen. Olar dästürge sai ekı jaqtyŋ ata-analarynyŋ batasy men rūqsatyn alǧanyn, salt-dästür jolymen nekelerın qiyp beruın ötıngen. Atalǧan azamattardan AHAT bölımıne tırkelgenın rastaityn kuälıktı tabandy türde talap etpegen, iaǧni QMDB-nyŋ ışkı jūmys tärtıbın būzǧan respublikalyq bas meşıttıŋ imamy Qanat Qydyrminge tärtıptık şara qoldanylyp, eskertu jasaldy», - dep jazdy ol.
Sondai-aq QMDB azamattyq nekenıŋ zinaǧa jatatynyn eskerttı.
«Qazaqstan mūsylmandary dıni basqarmasy AHAT bölımınde resmi tırkelmei nemese mūsylmanşa neke qiylmaǧan «azamattyq neke» zina bolyp sanalatynyn mälımdeidı. Joǧaryda atalǧan terıs sipattaǧy «azamattyq nekenıŋ» şariǧattaǧy ükımı – haram. Mūsylman balasy arty opyq jegızetın mūndai auyr ärı las künädan aulaq boluy tiıs»,—delıngen habarlamada.
