Dimaştyŋ «esınen adasqan» ispaniialyq fandary

29 mausym künı elordada Dimaş Qūdaibergennıŋ «Arnau» atty jeke konsertı öttı. Än keşıne älemnıŋ tükpır-tükpırındegı 64 memleketten 12 myŋǧa juyq tyŋdarman keldı. Sait tılşısı Dimaştyŋ İspaniiadan kelgen tyŋdarmandarymen äŋgımelesıp qaitty. Olardyŋ bırı Dimaşty köru üşın auruhanadan «qaşyp» şyqsa, taǧy bıreuı joldasynan «Esıŋnen adasqansyŋ» degen söz estıgen.

«Nūr-Sūltan qalasy Dubaiǧa ūqsaidy»

Qazaqstanǧa kelgenderıŋızge neşe kün boldy? Qazaqstanǧa kelgenımızge bır apta bolyp qaldy. Men elden bırınşı ret alystap, saiahat jasap otyrmyn. Almaty men Nūr-Sūltan qalasynyŋ aralyǧy alys jäne ekı qalanyŋ aua temperaturasy da ekı türlı eken. Almatyda kün öte ystyq bolsa, Nūr-Sūltan qalasynda salqyndau jäne jiı jel soǧady eken. Qazaq halqynyŋ qonaqjailylyǧy ūnady. Qai qalaǧa barsaq ta tazalyqqa kuä boldyq. Almatynyŋ taulary, tabiǧaty ūnady, al Nūr-Sūltan qalasy ärtürlı ǧimarattarymen erekşelenedı. Būl qalany Dubaiǧa ūqsattyq. Endı tuys, dostarymyzǧa būl memleketke saiahattap kelu turaly ūsynys aita jüremız. Bızdıŋ elge kelulerıŋızge sebepşı bolǧan Dimaş Qūdaibergennıŋ änderın alǧaş qaşan tyŋdadyŋyz? 2017 jyldyŋ qaraşa aiynda Dimaştyŋ änın alǧaş ret tyŋdadym. Ony Londonda ötken konsertınde körıp, tıldesudıŋ sätı tüstı. İspaniiadaǧy Qazaqstan elşılıgınde ısteitın mamannyŋ tuǧan äpkesı Dimaştyŋ mūǧalımı bolǧan eken. Dimaşqa qatysty osyndai kez kelgen jaŋalyqtan habardar boluǧa tyrysamyz. «Aiaqtan tık tūryp köruge tūrarlyq konsert boldy» Dimaştyŋ jeke konsertı qalai öttı? Qandai äser aldyŋyzdar?  Dimaştyŋ konsertın otyryp körgender de, fan-zonada tūryp körgender de boldy. Men tūryp körgenderdıŋ qatarynda boldym. 53 jastaǧy adamǧa 5-6 saǧat aiaqtan tık tūryp köru oŋai emes, bıraq solai tūryp köruge laiyqty konsert boldy. Sızder ärtürlı sala mamanysyzdar ma? İä, bız är salada jūmys ısteimız jäne ärtürlı jastamyz. Men üide otyrǧanyma 20 jyl boldy, jasym – 53-te. Héctor – baǧban, ol 44 jasta. Nani – eden juuşy, ol 71 jasta bolsa, Luisa – administrator, ol 57 jasta. Bızdı bırıktıretın – Dimaştyŋ änderı.

«Dimaşty tyŋdaǧan künnıŋ erteŋınde Qazaqstanǧa ūşyp kettı»

Dimaştyŋ konsertıne keludı qaşannan berı josparlai bastadyŋyzdar? İspaniianyŋ taǧy bır tūrǧyny Dimaştyŋ änderın ǧalamtordan tyŋdap körgen künnıŋ erteŋınde-aq Qazaqstanǧa ūşyp kettı. Ol osynda bır ai būryn kelıp, Qazaqstannyŋ barlyq qalasyn aralap şyqty. Bız Dimaştyŋ jeke konsertı Nūr-Sūltanda ötetının esti sala osy jaqqa kelu turaly şeşım qabyldadyq. Būl konertke köbırek adam keluı kerek bolatyn, bıraq eŋbek demalysyn alatyn uaqyttary säikes kelmei, bırazy kele almai qaldy. Qazaqstanǧa alǧaş ret kelıp otyrǧan bolarsyzdar?  Bastapqyda Dimaşty fransuz tılınde än aitatyn qytai ūltynyŋ ökılı dep oiladym. Zerttei kele ol Qazaqstan azamaty ekenın bıldım. Būryn Qazaqstan düniejüzılık kartada bar memleketterdıŋ bırı retınde ǧana bıletınbız. Al qandai memleket ekenın, ol jaqta qandai halyq tūratynyn Dimaştyŋ önerımen tanysqannan keiın ǧana bıle bastadyq. Būl elge Dimaştyŋ konsertın ǧana köru üşın emes, onyŋ tuǧan elı qandai ekenın, salt-dästür, mädenietımen tanysu maqsatynda keldık. Konsert bıtkennen keiın Almaty qalasynda bırneşe kün bolyp, Nūr-Sūltanǧa qaita ūşyp keldık. Bügın, mıne, Burabaidyŋ tabiǧatyn tamaşalap jürmız. Būl jaqta ana tılın bılmeitın qazaqtar bar eken, būl öte ökınıştı jaǧdai. Dimaş arqyly qazaq änderın jattap aldyq.

«Tuǧan ūlym üşın mūndai täuekelge barmas edım»

Maqsattaryŋyz oryndaldy ma? Elımızden qandai erekşelık, qandai aiyrmaşylyq baiqadyŋyzdar? Būl jaqta kez kelgen taǧamǧa et köp qosady eken. Bız jaqta jylqy etın jemeidı, sebebı jylqy – adamnyŋ dosy sanalady. Bıraq osy jaqqa kelgende Dimaştyŋ qūrmetıne jylqy etınıŋ dämın tatyp kördım. Şynyn aitqanda, özımnıŋ tuǧan ūlym üşın osyndai täuekelge barmas edım. Sondai-aq, Dimaş apasy men atasynyŋ qolynda ösken bala ekenın bılemız. Bız jaqta ondai salt-dästür joq. Qazırgı uaqytta bız jaqta jastardyŋ aiaǧynan nyq tūryp ketuı üşın nemeresıne naǧaşy apasy uaqytşa qarap beretın ürdıs qalyptasyp keledı. Būl – jaqsy ürdıs dep oilaimyn. Bız Dimaştyŋ önerıne bas iemız, al jeke ömırıne tereŋ üŋılmeimız, degenmen ol jaqsy änşı ǧana emes, jaqsy adam. Ol ışımdık ışu, temekı şegu siiaqty jaman ädetterden ada. Onyŋ symbatty jıgıt, jany taza adam ekenı, tyŋdarmandarymen qarym-qatynasy erekşe ekenı sözsız. Dimaş – bärımızge ortaq qymbat qazyna.  Dimaştyŋ qai änın erekşe jaqsy körıp tyidaisyz? Dimaştyŋ barlyq änı ūnaidy. Halyq änı – Daididaudy erekşe atap öter edık. Fransiiadan kelgen tyŋdarman qyz Dimaş ändı fransuz tılınde aksentsız aitady deuge bolatynyn, al italiianşa tıpten aksentsız aitatyny turaly aitty. Osy jaqta Dimaşpen kezdesudıŋ sätı tüstı me? Dimaşpen jüzbe-jüz körısudıŋ sätı tüspedı. Onyŋ fanattarymen kezdesu ūiymdastyrylǧan kezde bız qalada ekskursiiada jürdık. Dimaştyŋ İspaniiaǧa kelgen kezı bolǧan, bıraq aldyn ala eşkımge habarlap, jariialap aitpaǧan edı. Bız onyŋ keletının aldyn ala bılıp alsaq ta, onymen kezdesuge ūmtylyp, mazasyn almadyq. «Keletını turaly aldyn ala jariialamaǧan bolsa, demek bızben kezdesetın uaqyty joq şyǧar» dep, onyŋ şeşımıne qūrmetpen qaradyq. İspaniiada halyqtyŋ tılegı, ötınışı jazylatyn arnaiy sait bar. Sol saitqa Dimaşty qonaqqa şaqyru turaly ötınıp, onymen bärıbır kezdesu ūiymdastyramyz dep oilaimyz. Otandyq radioarnalardyŋ bırıne jiı habarlasyp, Dimaştyŋ änderın qoiudy sūrap, aqyry 11 minuttyq baǧdarlama jasauyna qol jetkızdık.

«Ekı ūlym bar: bırı – tuǧan ūlym, ekınşısı – Dimaş»

Dimaştyŋ konsertıne keletınderıŋız turaly aitqan kezde tuys, dostaryŋyz qoldau bıldırdı me?  Menıŋ 27 jastaǧy ūlym bar. Ol da Dimaştyŋ änderın jaqsy köredı. Būryn men sūraǧan adamǧa jalǧyz ūlym bar ekenın aitsam, qazırgı uaqytta ekı ūlym bar ekenın aitamyn, onyŋ bırı – tuǧan ūlym bolsa, ekınşısı – Dimaş balam. Dimaştyŋ konsertıne keletınımız turaly aitqan kezde tuys, jaqyndarymyz ärtürlı qabyldady. Küieulerımız «Esterıŋnen adastyŋdar ma?!» dese, «Bır konsert üşın sonşalyqty ūzaq jol jüresıŋder me?» degenderı de boldy. 72 jastaǧy Nani Qazaqstanǧa keler kezde auruhanada jatqan. Ol auruhanadan sūranyp şyǧu üşın 7 därıgerge Dimaştyŋ änderın tyŋdatyp, ne üşın auruhanadan şyǧuǧa qūştar bolyp tūrǧanyn tüsındırgen. Därıgerler «Būl keremet änşınıŋ konsertın köru üşın sızdı auruhanadan şyǧaruymyzǧa bolady» degen eken. Dimaş turaly taǧy qandai qyzyqty aqparat bılesızder?

«Dimaş – älemnıŋ elşısı»

«Elımızdegı är tas bıluı kerek» deitındei, Dimaş sızder üşın nesımen erekşe? Onyŋ än aitu stilı kürdelı jäne ändı jetkızu joly erekşe. Käsıbi tūrǧyda öte myqty änşı. Onyŋ dauysy – dertke daua. Germaniiada üiden şyǧuǧa qorqatyn qyz bolǧan. Üiden şyqqan kezde onyŋ boiyn ürei bilep, jany jai tappaityn. Ol Dimaştyŋ änın tyŋdaǧaly boiyndaǧy qorqynyşty jeŋıp, Dimaştyŋ konsertıne bardy. Dimaş än aitqanda közıŋe jas keledı, būl jaidan-jai bolatyn qūbylys emes. Onyŋ basqa emes, däl osy zamanda düniege kelgenı qandai jaqsy. Ony «Älemnıŋ elşısı» dep atauǧa bolady, sebebı onyŋ änderın tyŋdaǧan adam jaman oidan arylyp, boiyn tek mahabbat, jaqsy sezımder bileidı. Soǧysqūmar adamdarǧa Dimaştyŋ änderın tyŋdatyp, beibıt ömırge şaqyruǧa bolady. Onyŋ änderın tüsınu üşın tıl bıludıŋ de qajetı joq, jürekpen sezınseŋ bolǧany. Aldaǧy uaqytta alǧa qandai maqsat qoiyp otyrsyzdar? Endıgı maqsat – osy jaqqa basqa da tuys, dostarymyzben bırge kelu. Madridte bızdıŋ koordinator tūrady. Ol Dimaşqa qatysty jaŋalyqtarmen bölısıp, onyŋ konsertıne baratyndardyŋ basyn bırıktırıp, ūiymdastyrady. Aldaǧy uaqytta İspaniianyŋ är tükpırınde Dimaştyŋ fanattarynan qūralǧan toptar bolady. Osy jaqtaǧy saparymyzdyŋ sättı boluyna yqpal etken «Triumf Travel» turistık agenttıgıne, Sin Fronteras ispan ortalyǧyna alǧys aitamyz.