Toqaev Qyrǧyzstan prezidentın «Dostyq» ordenımen marapattady

1278
Adyrna.kz Telegram
https://adyrna.kz/content/uploads/2024/04/img_3105.jpeg

Memleket basşysy Qasym-Jomart Toqaev Qyrǧyzstan prezidentı Sadyr Japarovty I därejelı «Dostyq» ordenımen marapattady, dep habarlaidy «Adyrna» tılşısı Aqordaǧa sılteme jasap.

Saltanatty räsım barysynda Qasym-Jomart Toqaev Sadyr Japarovtyŋ ekıjaqty qarym-qatynastardy damytuǧa jäne nyǧaituǧa zor üles qosyp otyrǧanyn atap öttı.

– Qyrǧyzstan – bızdıŋ ejelden enşısı bır, tamyrlas tuysymyz. Eŋ jaqyn ärı senımdı strategiialyq serıktesımız. Qos halyqtyŋ bauyrlastyǧy – özara tiımdı qarym-qatynastyŋ altyn arqauy. Būl ıske Sız zor üles qosyp kelesız. Men ony joǧary baǧalaimyn, – dedı Prezident.

Memleket basşysynyŋ aituynşa, Qazaqstan Qyrǧyz elımen strategiialyq ärıptestık pen odaqtastyqqa negızdelgen yntymaqtastyqty nyǧaituǧa müddelı. Bız bolaşaqqa bırge qadam basamyz.

Mäŋgılık dostyǧymyz ben myzǧymas bauyrlastyǧymyz jalǧasa beredı.

– Sız halyqtarymyz arasyndaǧy özara tiımdı bailanystardy nyǧaituǧa zor eŋbek sıŋırdıŋız. Men osyny eskere otyryp, Sızdı I därejelı «Dostyq» ordenımen marapattau turaly şeşım qabyldadym. Būl – erekşe qūrmet pen şynaiy rizaşylyqtyŋ belgısı. Osy marapat ekı eldıŋ qarym-qatynasyn odan ärı damytuǧa yqpal eterıne senımım mol. Qazaqstan men Qyrǧyzstannyŋ dostyǧy mäŋgı jalǧasa bersın! – dedı Memleket basşysy.

Sadyr Japarov Qasym-Jomart Toqaevqa şyn jürekten alǧys aityp, ekı el arasyndaǧy strategiialyq serıktestık pen odaqtastyqty odan ärı nyǧaitu üşın bar küş-jıgerın saluǧa daiyn ekenın mälımdedı.

Pıkırler