Májilis depýtattary jańa zań jobasyn maquldady, dep habarlaıdy "Adyrna" tilshisi.
Palatanyń jalpy otyrysynda májilismender memlekettik qyzmetkerlerge qumar oıyndarmen oınaýǵa tyıym salynatyn zań jobasyn maquldap, norma oıyn bıznesi, lotereıa jáne lotereıa qyzmeti týraly zań jobasyna ilespe túzetýlerge engizildi.
"Shekteý barlyq memlekettik qyzmetshige qatysty bolady. Sybaılas jemqorlyqqa qarsy zań bar, onyń aıasynda 12-bap – sybaılas jemqorlyqqa qarsy shekteý. Memlekettik qyzmetshiler, arnaýly memlekettik organdardyń áskerı qyzmetshileri – shamamen 220 myń adam kez kelgen oıyndardan shekteledi", - dep atap ótti májilismen Elnur Beısenbaev.
Birinshi oqylymda qabyldanǵan zań jobasy Memleket basshysynyń halyq arasynda oıynǵa táýeldilikke qarsy kúresti kúsheıtý jónindegi tapsyrmasyn júzege asyrý aıasynda qujatqa QR Parlamenti depýtattary bastamashy bolǵany habarlandy.
