Búgin Nursultan Nazarbaevtyń alǵash prezıdent atanǵan kúni, dep habarlaıdy "Adyrna" ulttyq portaly.
34 jyl buryn (1990) Qazaq KSR-iniń «Qazaq KSR Prezıdenti qyzmetin bekitý jáne Konstıtýııaǵa (Negizgi zań) ózgertýler men tolyqtyrýlar engizý týraly» Zańy, Qazaq KSR Joǵarǵy Keńesiniń «Qazaq Keńes Soıalıstik Respýblıkasynyń Prezıdenti týraly» Jarlyǵy qabyldandy.
1990 jyly 24 sáýirde joǵarǵy Keńeste zań qabyldaǵannan keıin, Prezıdentti saılaýda jasyryn daýys berýge qatysqan 335 depýtattyń 317-si N.Á. Nazarbaevty qoldap, 18-i qarsy daýys berdi. Nátıjesinde N.Á. Nazarbaev Qazaqstannyń tuńǵysh prezıdenti bolyp saılandy. N.Á. Nazarbaevty bul joǵarǵy laýazymdyq qyzmetke Qazaqstan Kompartııasy Ortalyq Komıtetiniń 21-plenýmy biraýyzdan usynǵan bolatyn.
1990 j. 20 qarashada qabyldanǵan "Qazaq KSR-nda memlekettik bılik pen basqarý qurylymdaryn jetildirý jáne Qazaq KSR Konstıtýııasyna ózgertýler men tolyqtyrýlar engizý týraly" Zańǵa sáıkes Qazaq KSR Prezıdenti Qazaq KSR joǵary atqarýshy jáne ókimshi bılik basshysy bolyp taǵaıyndaldy.
1991 jyly ótken prezıdent saılaýyna kandıdat retinde Nursultan Nazarbaev tirkeldi. Saılaý kezinde ol 98,8% daýys jınady.
Resmı prezıdenttik taǵaıyndaýdan 28 jyldan soń 2019 jyly 19 naýryzda Nursultan Nazarbaev respýblıkalyq telearnalardan halyqqa úndeý jasap, prezıdenttik ókiletin toqtatqanyn málimdedi.
