2019 jyldyŋ 10 şıldesınde äleumettık jelılerde bır kelınşetıŋ Qyzylorda oblysy poliseilerınıŋ jergılıktı tūrǧyndy öltırgenın aitqan videosy taraǧan.
Qyzylorda oblysynda poliseiler ūstamaq bolǧanda 43 jastaǧy er adam köz jūmdy. Marqūmnyŋ tuystary ol kısı qolynan qaza tapty dep esepteidı, al oblystyq polisiia departamentındegıler mūny joqqa şyǧaruda dep habarlaidy Zakon.kz.
2019 jyldyŋ 10 şıldesınde äleumettık jelılerde bır kelınşetıŋ Qyzylorda oblysy poliseilerınıŋ jergılıktı tūrǧyndy öltırgenın aitqan videosy taraǧan.
Ol marqūmnyŋ tuysqany bolyp şyqty. Video arqyly kelınşek BAQ ökılderınen kömek sūraǧan.
«Bügın tünde Qyzylorda qalasynyŋ 4 polisiia qyzmetkerı 1976 jylǧy Äjımbaev Bauyrjan Şäkımūlyn ūstau kezınde aiausyz soqqa jyǧyp, öltırdı. Mūndai bassyzdyqty bükıl el bıluı kerek dep sanaimyn! Būl ıske qatystylardyŋ barlyǧy jazadan tys qalmasa dep sūraimyn. Menıŋ aty-jönım – Ajar Äpsamatova. Qaiǧy jūtqan ana jalǧyz ūlynan aiyryldy», - dep jazdy ol.
Būl jaitqa qatysty Qyzylorda oblystyq polisiia departamentınıŋ baspasöz qyzmetı pıkır bıldırdı. Olardyŋ aituynşa, er adam aiaq-astynan özın naşar sezıngen.
«2019 jyly 10 şıldede tünde Qyzylorda qalasynyŋ 43 jastaǧy tūrǧyny mas bolyp, kölık jürgızgen. Polisiia toqtatyp, ony kölıkten tüsuın sūraǧanda ol qarsylyq körsetken. Sondyqtan poliseiler ony ekı qolynan ūstap, qyzmettık kölıkke alyp kele jatqanda ol esınen tanyp qalady. Bırden jedel järdem qyzmetıne qoŋyrau şalynady. Bıraq därıgerler jetkenşe ol kısı köz jūmǧan. Būl oqiǧa polisiia kölıgınıŋ videotırkeşıgıne de tüsken. Onyŋ üstıne medisinalyq saraptama kezınde marqūmnyŋ denesınen zorlyq-zombylyq belgılerı tabylmaǧan. Būl kısınıŋ ölımıne qatysty Qyzylorda oblystyq polisiiasy jeke qauıpsızdık basqarmasymen sotqa deiıngı tergeu amaldary jürgızılıp jatyr. Oqiǧanyŋ män-jaiy älı anyqtalu üstınde», - dep habarlady oblystyq polisiia departamentınıŋ baspasöz qyzmetı.
"Adyrna" ūlttyq portaly
