Qaraǧandy oblysynda "Taza Qazaqstan" respublikalyq aksiiasy aiasynda aǧaş egu jalǧasuda. Kögaldandyru jūmystaryna eŋbek ūjymdary, oquşylar men eko-belsendıler qatysty dep habarlaidy Adyrna.kz tılşısı.
Osakarov audanynda "Jasyl aimaq" aptalyǧy aiasynda 22-27 säuır aralyǧynda 600 gülder men aǧaştar egu josparlanǧan.
Sonymen qatar aǧaştar men būtalardy äkteu jäne kesu jūmystary josparlanǧan.
"24 säuırdegı jaǧdai boiynşa 222 jasyl jelek otyrǧyzyldy, 400 aǧaş äkteldı, 94 tonna qoqys şyǧaryldy, 19 bırlık tehnika tartyldy, – dep habarlady Osakarov audanynyŋ äkımdıgı. – Jūmystarǧa barlyǧy 104 ūjym, 583 adam qatysty. Kögaldandyru jūmystary älı de jalǧasady. Sonymen qatar, polisiia qyzmetkerlerı halyqpen profilaktikalyq jūmys jürgızude, 10 eskertu resımdeldı jäne tazalyqty saqtamaǧany üşın 3 aiyppūl salyndy".
Temırtauda qalany kögaldandyruda jas erıktıler belsendılık tanytyp jatyr. "Şaŋyraq" ortalyǧynyŋ eko-belsendılerı men "Krepyş" üisız januarlarǧa kömek körsetu äleumettık jobasyn ūiymdastyruşylar köşet ektı. Sondai-aq, jūmystarǧa "Otrajenie" qoǧamdyq bırlestıgınıŋ erıktılerı jūmyldyryldy.
200-ge juyq adam 670 aǧaş ektı. Biyl qalada barlyǧy 5300 aǧaş egu josparlanuda, onyŋ ışınde ötemdık aǧaş egu aiasynda köşetter paida bolady.
Priozersk qalasynda jasyl jelekterdı egu 25 säuırde bastalady. Qalaǧa kıre berıste jäne ūiymdar aumaǧynda 150 terek pen 300 qaraǧai egu josparlanuda. Bügın aksiiaǧa qatysuşylar uchaskelerde jerdı öŋdeu jūmystaryn jürgızude.
Saran qalasynda "Taza Qazaqstan" aksiiasy aiasynda şaǧan, jöke, arşa jäne kümıs terek aǧaştarynyŋ 800 köşetın egu josparlanuda. Jūmys 25 säuırde bastalady.
Esterıŋızge sala keteiık, Qaraǧandyda "Taza Qazaqstan" respublikalyq ekologiialyq aksiiasy aiasynda 23 säuırde 90 myŋnan astam aǧaş köşetterın egu bastaldy. Qalada Kirzavod audanynda örtengen orman qalpyna keltırılıp, Maiqūdyq saiabaǧynda "Jastar Alleiasy" atty jaŋa alleia aşyldy.
Aksiianyŋ är aptasy belgılı bır ataumen ötedı. "Jasyl aimaq" aptalyǧy kögaldandyruǧa, aǧaş eguge arnalǧan.
