Búgin tańda Atyraý oblysynda páter órtenip, 2 bala qaza tapty. Bul týraly Oblystyq Tótenshe jaǵdaılar departamenti málimdedi, dep habarlaıdy “Adyrna” ulttyq portaly.
Málimet boıynsha, búgin saǵat 5:37-de Inder aýdany Inderbor kenti Mahambet kóshesindegi 5 qabatty turǵyn úılerdiń birinde tútin shyǵyp jatqany týraly habarlama túsken. Órt sóndirýshiler oqıǵa ornyna jetken kezde atalǵan mekenjaıdaǵy 5 qabatty turǵyn úıdiń 2-qabatynda ornalasqan páterdiń tolyqtaı janyp ketkenin anyqtady.
«Órt kezinde úıdiń jatyn bólmesinen 2014 jyly týǵan jáne 2017 jyly týǵan balalardyń deneleri tabyldy. Sondaı-aq 1995 jyly týǵan N.S. esimdi anasy jáne 1994 jyly týǵan er adam es-tússiz kúıde tabylyp, aýdandyq ortalyq aýrýhananyń jansaqtaý bólimine jedel járdem qyzmetkerlerimen jetkizildi», – delingen habarlamada.
Órt saǵat 6:02-de oqshaýlanyp, saǵat 06:10-da tolyqtaı joıyldy.
Sonymen qatar, órttiń shyǵý sebebin anyqtaý maqsatynda Atyraý qalasynan órt-zertteý zerthanasy jumys istep jatyr.
