Bügın taŋda Atyrau oblysynda päter örtenıp, 2 bala qaza tapty. Būl turaly Oblystyq Tötenşe jaǧdailar departamentı mälımdedı, dep habarlaidy “Adyrna” ūlttyq portaly.
Mälımet boiynşa, bügın saǧat 5:37-de İnder audany İnderbor kentı Mahambet köşesındegı 5 qabatty tūrǧyn üilerdıŋ bırınde tütın şyǧyp jatqany turaly habarlama tüsken. Ört söndıruşıler oqiǧa ornyna jetken kezde atalǧan mekenjaidaǧy 5 qabatty tūrǧyn üidıŋ 2-qabatynda ornalasqan päterdıŋ tolyqtai janyp ketkenın anyqtady.
«Ört kezınde üidıŋ jatyn bölmesınen 2014 jyly tuǧan jäne 2017 jyly tuǧan balalardyŋ denelerı tabyldy. Sondai-aq 1995 jyly tuǧan N.S. esımdı anasy jäne 1994 jyly tuǧan er adam es-tüssız küide tabylyp, audandyq ortalyq auruhananyŋ jansaqtau bölımıne jedel järdem qyzmetkerlerımen jetkızıldı», – delıngen habarlamada.
Ört saǧat 6:02-de oqşaulanyp, saǧat 06:10-da tolyqtai joiyldy.
Sonymen qatar, örttıŋ şyǧu sebebın anyqtau maqsatynda Atyrau qalasynan ört-zertteu zerthanasy jūmys ıstep jatyr.
Ūqsas jaŋalyqtar
