Almaty äuejaiynda esırtkıge mas bolǧan ūşqyş ūstaldy. Aqparatty Air Astana äuekompaniiasynyŋ baspasöz qyzmetı rastady, dep habarlaidy “Adyrna” ūlttyq portaly.
BAQ-ta Air Astana äuekompaniiasynyŋ ekınşı ūşqyşy Almaty halyqaralyq äuejaiynda ışkı reisterdı jöneltu aimaǧynda ūstalǧany turaly aqparat paida boldy. Tergeuşılerdıŋ mälımetınşe, 31 jastaǧy er adam esırtkı paidalanyp, saqtaǧan.
Äuekompaniianyŋ baspasöz qyzmetı rastaǧan aqparat boiynşa, 23 säuırde Almaty äuejaiynda jolauşy retınde ūşaqqa mıngen ūşqyş esırtkıge mas küide ūstalǧan. Poliseiler sotaldy tergeu amaldaryn jürgızıp jatyr, al qyzmetkerdıŋ özı jūmystan şettetılgen.
"Äuekompaniia qyzmetkerlerdıŋ alkogol nemese esırtkı paidalanuyna tözbeuşılık körsetedı, öitkenı ūşu qauıpsızdıgı bızdıŋ basymdyǧymyz bolyp tabylady. Äuekompaniiada ekipajdardyŋ qanynda alkogol nemese esırtkı zattarynyŋ boluyna tūraqty negızde testıleu jürgızıledı", - dep habarlady kompaniianyŋ baspasöz qyzmetı.
