Qazaqstan delegasiiasynyŋ Auǧanstanǧa resmi sapary barysynda qazaqstandyq 35 kompaniia Kabulda ötken Qazaqstan-Auǧanstan biznes-forumy men körmesınde öz önımderı men qyzmetterın ūsyndy, dep habarlaidy «Adyrna» tılşısı Ükımettıŋ baspasöz qyzmetıne sılteme jasap.
Qazaqstannyŋ biznes-delegasiiasynyŋ qūramynda serıktestıktıŋ jaŋa baǧyttaryn qūru üşın QarMet kompaniialarynyŋ, Doscar Group dilerlık ortalyǧynyŋ (KIA, Chevrolet brendterı), Kentau transformator zauytynyŋ, Kaspy Group kompaniialar tobynyŋ (metall konstruksiialaryn daiyndau, auyl şaruaşylyǧy tehnikasyn öndıru) ökılderı, zerthanalyq synaqtardy, medisinalyq därı-därmek, mai önımderı, konditerlık önımder, toqyma jäne basqa da tauar öndıruşı käsıpkerler keldı.
Biznes-forumnyŋ aşyluynda premer-ministrdıŋ orynbasary Serık Jūmanǧarin Auǧanstan delegasiiasynyŋ Qazaqstanǧa sapary qorytyndysyna säikes ekıjaqty tauar ainalymyn $3 mlrd-qa deiın arttyru mındetı qoiylǧanyn eske saldy.
«Bız himiia önerkäsıbındegı, tau-ken metallurgiia keşenındegı öndırıstı bırlesıp damytudy, Auǧanstan aumaǧynda qatty paidaly qazbalardy geologiialyq barlau, IT-tehnologiialar salasynda, öndıru jäne öŋdeu boiynşa bırlesken jobalardy ıske asyru jönındegı özara ıs-qimyldy qarastyrudy ūsynamyz. Qazaqstan tarapy Auǧanstanda avtokölıkterge qyzmet körsetetın dilerlık ortalyqtardyŋ ornalasu ornyn keiınnen anyqtai otyryp, otandyq öndırıstıŋ avtomobilderın jetkızuge müddelı», — dedı ol.
