Şymkentte avtosisternalardy toltyruǧa arnalǧan gaz qūiu stansiiasyndaǧy ört sūiyq otyndy qūiu kezındegı tehnologiialyq prosestıŋ būzyluynan bolǧan. Oqys jaǧdaidy bır aiǧa juyq zerttegen arnaiy top osyndai qorytyndyǧa keldı, - dep habarlaidy "Astana" telearnasy.
Eske salaiyq, qaiǧyly oqiǧa 7 mausymda bolǧan edı. Ört saldarynan 20 jastaǧy Erlan Anar qaitys bolǧan. Denesınıŋ 98 paiyzy küiıp qalǧan marqūm otbasyndaǧy segız balanyŋ tūŋǧyşy eken. Ol gaz qūiu stansiiasynda ötken jyldyŋ küzınen jūmys ıstep kelgen. Zardap şekken otbasyǧa berıletın materialdyq kömek mölşerı äzırşe aitylmady. Al tekseru toby şyqqan qorytyndyny polisiia departamentıne joldaidy. Komissiia töraǧasynyŋ aituynşa, siymdylyǧy 60 tekşe metr avtosisternadan gaz qūiu kezınde şlang tolyq būralmai, ajyrap ketken. Ol kezde ekpını qatty gaz 20 jastaǧy operatordy ūşyryp jıbergen. Arada on sekundtai uaqyt öter-ötpesten şlang temırı soǧylyp ūşqyn paida bolyp, jarylysqa äkelgen. Avtosisterna jürgızuşısı qaşyp ülgergenmen, operator jalyn ortasynda qalyp qoiǧan. Därıgerler üş kün arpalysqanymen 20 jastaǧy jıgıt baqilyq boldy. Komissiia müşelerı apatqa serıktestık tarapynan jıberılgen bırqatar kemşılık sebep dep tüidı. "Brigadanyŋ qūramyn tolyq jasaqtamaǧan. Ekı adamnyŋ ornyna bır adamdy jūmysqa jıbergen, negızı sol. Tehnologiialyq erejeler oryndalmaǧan, osy gaz toltyru jūmystarynyŋ tehnologiialary jasalmaǧan. Ol tehnikalyq erejede barlyq tärtıbı, qandai qauıpsızdık şaralary bar, qalai ısteluı kerek - bärı tolyq jazyluy kerek. Onymen operator tanystyryluy qajet. Sony tanystyryp oqytu jaǧy būl jerde tolyq jürgızılmei otyr", - deidı QR İİDM komitetınıŋ Şymkent qalasy boiynşa departament basşysynyŋ orynbasary Särsenbai Teŋlesbai.
"Adyrna" ūlttyq portaly
