L İ F T (drama)

Keiıpkerler:  Qyz Hatşy Aidauyl Äiel Erkek Dabyrlasa söilesken Hatşy men Aidauyl, liftke enedı. Artynşa Äiel, Erkek mınedı. Aidauyl endı tetıgın basa bergende asyǧa jügırgen Qyz, entıgen enedı. Qyz. Stop, stop?! Menı de ala ketıŋızder?! Aidauyl. Der kezınde ülgerdıŋız. Sızge qai etaj kerek edı?! Qyz. Sol jaǧyn bılmeidı ekenmyn...Sot otyratyn etajy kerek. Hatşy. (tetıkten san terıp) Menıŋ etajyma baratyn boldyŋyz... 7 etaj... Qyz. A?..Rahmet... (Qyzǧa oryn bermek bolyp ysyrylǧan Erkek, teŋselıp ketıp Äieldıŋ aiaǧyn basyp ketedı.) Äiel. Ai?! Közıŋızge qarasaŋyzşy?! Erkek. Keşırıŋız?..Myna kısı qysylyp qalmasyn dep... Äiel. Erkekpısıŋ degen?! Jas qyzǧa kerek oryn – maǧan kerek emes dep kım aitty?! Qyz. Maǧan bola daulaspaŋyzdarşy...(Erkekke) Rahmet... Erkek. Oqasy joq...Arzymaidy... Äiel. Ei, romantik...Şamaly jinaqy tūryŋyzşy?! Erkek. Keşırıŋız...Barym osy... (Säl jürgennen keiın lift kıdırıp baryp, toqtap qalady.) Äiel. Ne?! Myna lift toqtap qaldy ma ne?! Erkek. Körmei tūrsyz ba?! Aidauyl. Tuh, osy liftı eş jolǧa qoimady-au?! Jüikemdı jūqartqanyna, baqandai bır ai boldy. Hatşy. E...Özderı mınbeitın bolǧan soŋ, bastyqtarǧa bärı-bır... Äiel. Nemene, bastyqtaryŋyz joǧarǧy etajǧa ūşyp barady ma?! Aibauyl. Joq, bastyqtardyŋ liftı bölek. Būl – keluşıler men qatardaǧy qyzmetkerlerge arnalǧan. Äiel. Oŋbaǧandar...Eŋ aqyrsy liftke deiın bölıp alǧan. Onsyz da osy jerge jetıskennen kelmeimız, endı mıne...(saǧatyna qarap) Ah!..Sotymnyŋ bastaluyna nebärı bes-aq minut qalypty?! (Aidauylǧa) Ana tetıkterın jöndep bassaŋyzşy?! Tütıkpen habarlasyŋyz?! Aidauyl. Sızsız de belgı berdım...Şydai tūryŋyz...Jürgızıp qalar. Qyz. Uf?! Men internet arqyly qabyldauǧa jazylǧan uaqytym bop qaldy. Myna lifttıŋ jüretın türı bar ma?! Äiel. Sony aitam-au?! Onsyz da ötken joly ana oŋbaǧannyŋ kesırınen sotty bügınge auystyryp edı...Qap?! Erkek. Hanymdar, sabyr saqtaŋyzdar...sabyr...Liftıŋ toqtap qalǧanyn tömende otyrǧan jauapty adam endıgı bılgen bolar. Sabyrmen küteiık. Hatşy. İä, sabyr saqtaularyŋyzdy ötınemın...Menıŋ de sot zalynan kıretın uaqytym boldy. Sızderden görı – men asyǧyspyn. Sondyqtan... Äiel. Jönsız qaqyldai bermeŋızderşı?! Men ǧūsap küiıp tūrsaŋyz, sabyr saqtamaq tügılı, «sabyr» sözınıŋ bar ekenın ūmytar edıŋız. Qyz. (telefonynyŋ öşıp qalǧanyna taŋ qalyp) Sızderdıŋ de telefondaryŋyz öşıp qaldy ma?! Erkek pen Äiel, dereu telefondaryna üŋılıp, öşıp tūrǧanyn köredı. Äiel. (telefonyn şūqylap) Jetpegenı osy edı...Myna jerde telefon qabyldamaidy ma ne?! Hatşy. İä...Äure bolmaŋyzdar...Bız qazır ekı ortada keptelıp tūrǧandyqtan, telefon qabyldamaidy. Qyz. Fu?! Tym qūrysa telefonmen eskerteiın dep edım?.. Äiel. (liftıŋ tetıkterın sabalap) Myna qūrǧyrdyŋ qai jerı ıstemei tūr özı?! Aidauyl. (Äieldı toqtatyp) Tiıspeŋız?! Sonşa sabalap sızge ne körındı?! Jüretın bolsa, sızdıŋ toqpaǧyŋyzsyz da jüretın edı ǧoi. Küte tūryŋyz dedım ǧoi?! Äiel. Men kütkenmen, eger, ana sumaqai menı kelmedı dep, artyn bır sipap ketıp qalsa qaitemın?! Erkek. Tuh, kımdı de bolsa sūlaittyŋyz... Äiel. Bärı myna senderdıŋ kesırlerıŋnen! Erkek. Keşırıŋız, men sızge ne ıstedım?! Äiel. Sızdıŋ de alimet tölemegenıŋız üşın sotqa kele jatqanyŋyzdy bılıp tūrmyn. Erkek. Mässaǧan?! Sız ne, säuegeisız be?! Äiel. Alimentten qaşyp jürgen «qaşaq äke» ekenıŋızdı bılu üşın säuegei boludyŋ qajetı şamaly. Ūiatsyzdar?! Bala tuǧyzǧandy bılesıŋder, baǧuǧa kelgende at-tondaryŋdy ala qaşasyŋdar. Sendei äkelerdı bır aralǧa jinap, benzin qūiyp, külı qalmastai örtep jıberse ǧoi şırkın?! Hatşy. Fu?! Sonşalyq öşıgıp?!. Sız özı tym qatygez ekensız?! Adamǧa sonşalyq öşıguge bola ma eken?! Äiel. Üş bırdei balamen köşede qalsaŋ, «jūmsaq» bolǧanyŋdy körer edım. Aidauyl. Keşırıŋız...Tar liftı mınezderıŋızben taryltpai, säl sabyrmen ündemei tūra tūryŋyzdarşy?! Jäisız ünsızdık ornaidy. Aidauyl liftıŋ tetıkterın türtkılep äure. Qyz, közderın tars jūmyp sanamaqqa kırısedı. Qyz. Bır, ekı, üşı, tört, bes, alty... Äiel. Qaradai sanamaq oinap, saǧan ne körındı?! Qyz. Oi...Keşırıŋız...Bala küngı ädetım... Äiel. O, qūdai...Adamnyŋ jany bır tarynyŋ qauyzynda tūrsa, «balalyq şaqpen» oinaidy ǧoi?!. Erkek. Qaradai jan-jaǧyŋyzǧa aşuyŋyzdy şaşyp tūratyn ädetıŋız jaman eken?! Äiel. Nemene, myna tar liftte menı tärbieleiın dep pa edıŋ?! Qyz. Keşırıŋızder?!. Men jäi...Bala künımnen qatty qoryqsam...Ne, qatty qinalǧanda közımdı jūmyp, 100-ge deiın sanaityn ädetım bar edı...Qorqynyşyŋ joǧalyp, üreiıŋ basylady...Keşırıŋızder... Hatşy. Oqasy joq. Bekerge aitysqannan – sanamaq oinaǧan dūrys. Qarsy bolmasaŋyz, qosyla sanauyma bolady. Bır, ekı... Aidauyl. Toqtai tūryŋyzdar...Şynymen jaqsy bolsa, men de sanamaqqa qosylaiyn. Qane, kettık!.. Qyz, Hatşy, Aidauyl sanamaqqa kırısedı. Erkek säl kıdırısten soŋ, qosyla sanaidy. Törteuı bırte-bırte küle bastaidy. Aidauyl, köŋıldengenı sonşa, türlı külkılı qaraketter jasai bastaidy. Oǧan hatşy men Qyz qosylady. Törteuı liftıŋ tauqymetın ūmytqandai. Äiel. O, qūdai...Oilamaǧan jerden jyndyhanaǧa tap bolamyn dep üş ūiyqtasam tüsıme kırmeptı?! Aidauyl. Ha-ha-ha?! Būdan bylai taǧy bır keptelıske tüsıp qalsam, sanamaq oinaityn boldym. Hatşy. Qūdai saqtasyn?! «Tüspeiın!» dep tıleseŋşı?! Qyz. (Aidauylǧa) Keşırıŋız...Jobamda osynda qyzmettesız ǧoi deimın? Aidauyl. İä...Aidauylmyn. Äiel. Aidauyl bolsaŋ, myna liftıŋdı tezdetıp jürgızdır. Qyz. Aitaiyn degenım, boiyŋyz ūzyn eken...Mümkın qolyŋyzdy biıkke köterseŋız telefon ıstep keter...Myna telefondy joǧary qarai köteresız be?! Aidauyl. Järaidy...Äkelıŋız. (telefonnan bailanys körındeidı) Fu...Bärı-bır körınbeidı...Jobamda, tolqyn qabyldamaityn tūiyq qaptalda tūryp qaldyq bılem...Toqtai tūryŋyz...Bar!..Joq...Oi, bar?! Äiel. «Bar»-yŋyz ne, «joq»-yŋyz ne?! Qaisy özı?! Esı dūrys adamnyŋ sözın aitsŋyzşy?! Aidauyl. (külımsırep) Ana...Tüpkır jaǧyndaǧy būryştyŋ eŋ biık jerınen ūstaityn tärızdı... Qolyndaǧy telefonmen bailanys belgı bergen tūsqa jantalasa ūmtyla bergende Qyzdy qaǧyp ketedı. Aŋdausyz tūrǧan qyz Erkektı, Erkek – Äielge qaqtyǧysyp, Äiel qūlap tüsedı. Äieldıŋ aiaǧyna şalynysqan Aidauyl sürıngende Erkekke ūrynyp, Erkek – Äieldıŋ üstıne qūlaidy. Äiel. A-aaa?! (Erkektı sabalap) Tūr...Üstımnen tūr deimın saǧan oŋbaǧan?! Erkek. Doǧaryŋyz?!. Ädeiı jatyr deisız be?! Hatşy. (Erkektı, soŋynan Äieldı tūrǧyzady) Ūryspaŋyzdarşy?! Aidauyl. (Qyzdy tūrǧyzyp) Keşırıŋız...Tepe-teŋdıktı ūstai almai qalǧanym...Bır jerıŋız auyryp qalǧan joq pa? Qyz. Oqasy joq...Eşteŋe etpeidı. Oi, keşırıŋızder... Erkek. Oqasy joq... Qyz. Sızderge jäisızdık tuǧyzdym ǧoi deimın...Keşırıŋızder...Bailanysty ızdeimın dep...Hımmm. Keşırıŋızder, denemdı igere almai qalǧanym... Äiel. Denemdı igere almai qaldym?! Aitqan sözınıŋ türın?! Sen siiaqty «denesın igere almaityndardyŋ» kesırınen myna...tar jerde «tamaşa» bop tūrǧanymdy bılesıŋ be?! Qyz. Qyzyq eken...Menıŋ qandai qatysym bar?! Men de sız sekıldı tar qapasta tūrmyn ǧoi?! Äiel. Tūrsyŋ, ärine...Egerde myna sendeiler bolmaǧanda, altyn basym qor bolyp, «aliment sūrap» sotqa kelmes edım. Qyz. Keşırıŋız... Tüsınsem būiyrmasyn...Menı bıreumen şatastyryp tūrsyz ǧoi deimın... Men sızdı tanymaimyn...Būryn-soŋdy kezdestırgen adamym emessız...Onyŋ üstıne, sızdıŋ ala almai jürgen alimentıŋızge menıŋ qandai qatysym bar?! Äiel. Sen siiaqty şöpjelke aramyzǧa kilıkpegende, şaŋyraǧym şaiqalyp, bala-şaǧam alimentke telmırmes edı!..Oi, sūmdyq-ai, osy küngı qyzdarǧa taŋ qalamyn?! Baquat bolsa bır jäilı, «e, aqşasyna qyzyqqan ǧoi» deitın...Qaltasynda kök tiyny joq erkektı üiıne kırgızıp alatyndardan qaldyq qoi bälege?! Qyz. Qaltasynda kök tiyny joq erkekten qūtylǧanyŋyzǧa quanbaisyz ba?! Äiel. Ne?! Kırgızıp alǧanyŋa mäz bolyp tūrmysyŋ?! Aidauyl. Keşırıŋız, sızdıŋ şaŋyraǧyŋyzǧa būl kısınıŋ ne qatysy bar?! Aitsaŋyz – adamyna aitpaisyz ba?! Äiel. Būl da qarap jürmegen bolar. Ertelı-keş bır estitın sözı bolǧan soŋ, esti bersın. Hatşy. Jalpy sız, jönsız kilıkkendı, orynsyz tiıskendı qoimaityn adam ekensız. Lifttıŋ toqtap qalǧanyna bızder kınälı emespız ǧoi?! Sızdıŋ myna sözderıŋız üşın sotqa tartuǧa bolatynyn bılesız be?! Orynsyz ūrynbai, jönıŋızben tūruyŋyzdy ötınemın. Äiel. Ha?! Erkek. Baiqauymşa, sızdıŋ diagnozyŋyz belgılı boldy. Äiel. A?!Nemene, därıger ma edıŋız?! İä...Ol qandai diagnoz?! Erkek. Öz baqytsyzdyǧy üşın – özgeden öş alu... Äiel. Solai de?! Özıŋ myna jerde «asa baqyttylyǧyŋnan» tūrsyŋ ba?! Erkek. Joq...Bıraq, ol üşın eşkımnen öş alǧym kelmeidı. Äiel. Al, menıŋ öş alǧym keledı...Myna sendeilerden...Üş bırdei balasyn tastap, betı jyltyraǧan köldeneŋderdıŋ qoinyna kırıp alǧandardan öşımdı alǧym keledı. Hatşy. Aiqailamaŋyzşy?! Sotqa keletınderdıŋ köbı, özgeden öş aluǧa keledı. Niutonnyŋ jaŋa zaŋyn oilap taptym dep tūrsyz ba?! Tanys jäit...Sondyqtan, jaŋalyq aştym dep oilamai, sabyrmen liftıŋ jüruın kütıŋız. Äiel. Onsyz da jūqarǧan jüikemdı (liftı teuıp qalyp) myna tar qapas tūnşyqtyryp tūrsa qaitemın?! (eŋırep jıberedı) Oŋbaǧan...Ol oŋbaǧan taǧy qaşyp ketetın boldy... Hatşy. Sız, tym asa küiınbeŋızşı...Jaŋa kıre berıste şaqyrtu qaǧazyŋyz boiynşa tölqūjatyŋyzdy tırketken joqsy ba? Äiel. İä? Hatşy. Endeşe, beimaral tūra berıŋız. Sız keşıkken jaǧdaida, sottyŋ hatşysy tömendegı küzet bölımımen habarlasady. Kelgenıŋızdı, ışke kırgenıŋızdı bılse, mındettı türde kütedı. Qoryqpaŋyz. Äiel. Uh?! Onysy dūrys eken. Erkek. Janymyz özımızge qaldy ǧoi deimın, jobasy... Äiel. Al sız, şaqpai tūryŋyz. Ünsızdık. Ünsızdıkten elektr togy jürıp jatqandai qysymnyŋ arta tüskenın tūrǧandardyŋ jüzınen körınedı. Qyz. (Hatşyǧa) «Özgeden öş aluǧa keledı» dedıŋız be?.. Sızşe ol dūrys emes pe?! Hatşy. Ol endı...Ärkımge – ärqalai ǧoi. Köbıne japa şegetınder basym sottalady. Keide tıpten, jazyqsyz jalamen sottalatyndar qanşama?! Äiel. «Jazyqsyz» deidı ǧoi...Menıŋ qaşaq küieuım siiaqtylardyŋ jazasyn kım beredı, a?! Bauyr etı balasyna aliment töleuden qaşqan äkelerge aliment öndıru az...Ömır boiy moinyna dorba arqalap ötetındei, şetınen sottau kerek. Aidauyl. Tuh, myna kısını-ai?! Aidauyl bop ısteitın bolǧandyqtan, keide ajyrasuǧa äielderdıŋ özı aryz tüsıretının kezdestıremın. Erkektı kınälau dūrys emes. Äiel. Dūrys emes?! «Qarǧa – qarǧanyŋ közın şūqymaidy..» de?! Qyz. Eger...Äiel men Erkek bırdei kınälı bolsa şe?! Qaisysyn sottau kerek?! Äiel. Nemene?! Äiel bala tuady...Erkek tastap ketedı...Äiel beişarany ne üşın qosaqtap sottauy kerek eken?! Qyz. Teksızder sanyn köbeitkenderı üşın... Äiel. Nemene?! Ne dedıŋ?! Qyz. Teksızder sanyn köbeitkenderı üşın deimın! Qūlaǧyŋyz dūrys estımeidı ma?! Äiel. Qūlaǧym ädemı estidı. Senıŋ sözıŋ estuge tatyityndai bolmaǧan soŋ sūrap tūrmyn?! Qyz. (Hatşyǧa) Baiqauymşa, sız de osynda qyzmettesız ǧoi deimın? Hatşy. İä...Sot hatşysymyn. Qyz. Endeşe, sotqa äkele jatqan aryzymdy sızge ötkızemın ǧoi, ä?! Hatşy. İä... Qyz. (sömkesınen alǧan qaǧazyn ūsynyp) Mäŋız...Mynau Sızge. Hatşy. Keşırıŋız...Aldymen myna qapastan qūtylyp alaiyqşy, sosyn tapsyra jatarsyz. Qyz. (telefonynyŋ kamerasyn özıne būryp, jyldam söilei bastaidy) Qūrmettı adamdar! Aldaryŋyzda tūrǧan sot hatşysy, aryzben kelgen menı qabyldamai, azamattyq qūqyma qol salyp otyr... Hatşy (telefondy jūlyp alyp) Järaidy...Äkelıŋızşı...(Qyz ūsynǧan qaǧazdy alyp, tez köz jügırte bere baqyraiǧan közdermen Qyzǧa qarap) Mynau ne şatpaq?! Qyz. Aryz... Hatşy. Aryz ekenın körıp otyrmyn...Kımnıŋ üstınen jazyp otyrsyz?! Qyz. Jazuly tūr ǧoi...Sauatyŋyz bar, anyqtap oqysaŋyzşy?! Hatşy. Sauatty bolmasam sot salasynda ıstemes edım. Mynauyŋyzdy qalai tüsındık?! (Aidauylǧa berıp) Bälkım, sen tüsınersıŋ...Mynany oqyşy. Aidauyl. (dauystap oqi bastaidy) «Menıŋ sotqa aryz beru sebebım – öz balalaryn jetımhanaǧa ötkızgen küllı äielder men erkekterdı sotqa tartudy, jazalaudy talap etemın»?.. Hatşy. Ne tüsındıŋ?! (Aidauyl basyn şaiqaidy) Sen de me?..Men de?..(Erkek pen Äielge būrylyp) Sızder şe?!(Ekeuı ünsız qalǧan) Demek, sızderge de tüsınıksız... (Qyzǧa būrylyp) Bälkım, özıŋız jöndep tüsındırersız? Ädette aryzdy naqtyly adamǧa bailanysty jazady, myna jerde... Qyz. Tüsınbeitın nesı bar? Sız, memleketımızde qanşa jetımhanalar bar ekenın bılesız be? Hatşy. Qanşa deimısız?..Bılmeidı ekenmın. Qyz. Bız maqtanyp jürgen memleket, älem boiynşa adam basyna şaqqanda, jetımhanalar sany jaǧynan törtınşı orynda. Äiel. Ne deidı?! Qyz. Jetımder sanyn köbeitıp, tübı qaidan şyqqanyn bılmeitın «teksızder armiiasyn» ūlǧaityp jatqandar kımder?! A?! Sızderden sūrap tūrmyn, «teksızder armiiasyn» ūlǧaityp jatqandar kımder?! Aidauyl. Sız qyzyq sūraq qoiady ekensız? Bız, äigılı teleşouǧa...sūraqqa jauap beruge kelgen joqpyz ǧoi?! Qyz. Sızderge jäi ǧana «şou...» Al, ana «teksızder armiiasyna» şe?! Jastyqqa basy tiısımen «Şırkın, erteŋ mamam men papam ızdep kelse ǧoi?!» degen armanmen, köz jasyna bulyǧyp ūiyqtaityn jetımekter üşın de «şou» deisızder me?! Aidauyl. Keşırıŋız...Men sonşalyq oilamaǧan edım... Qyz. Oqasy joq. Sol sebeptı, öz balalaryn jetımhanaǧa ötkızgen küllı äielder men erkekterdı sotqa tartudy, jazalaudy talap etemın!.. Hatşy. İä?!. Qyz. Ne «iä»?.. Hatşy. Tüsınbedım...Sonda, naqtyly kımdı sotqa şaqyruym kerek?! Qyz. Sızge ne bolǧan?! «Öz balalaryn jetımhanaǧa ötkızgen küllı äielder men erkekterdı» dep baqyraita jazuly tūr ǧoi?! Hatşy. Sız menı keşırıŋız...Sottan jazalaudy talap etu üşın, aldymen kımnen, ne üşın ekenın naqtyly körsetuıŋız kerek. «Küllı» degen aty-jönı me?! (Qyz basyn şaiqaidy) Tegı me?! (Qyz taǧy basyn şaiqaidy) Endı ne sonda?! Qyz. Qolyŋyzda jazylǧan aryz boiynşa sot ötkızuıŋız kerek. Hatşy. Keşırıŋız...Jobamda sız kıretın esıkten jaŋylǧan sekıldısız. Myna kelıp tūrǧan jerıŋızdı...Hımmm. Myna lift – sot ǧimaratynyŋ liftı... Demek, būl mekemenı - «Sot» deidı...Demek, naqtyly fakt boiynşa, naqtyly jeke tūlǧalardan ne bolmasa zaŋdy qyzmet oryndarynan naqtyly arzy boiynşa jazalaudy ne jazalamaudy jüzege asyratyn jer. Tüsındıŋız be?! Mynadai talap-aryzben sız, sotqa emes – psihiatrǧa baruyŋyz kerek. (Aidauylǧa qarap, iyǧyn qiqaŋ etkızedı) Tüsınsem būiyrmasyn?! Qyz. Tüsınbeseŋız – tüsındıreiın. Men qysqaşa...Bır auyz sözben jetkızuge tyrysaiyn. Men, jauapkerşılıkten, qiyndyqtan qaşyp, öz närestelerın jetımhanaǧa tapsyrǧan küllı erkekter men äielderdıŋ sottaluyn talap etemın! Hatşy. Aldymen dūrys atauy jetımhana emes – balalar üiı. Qyz. Ol – qoǧam üşın solai, al, myna bızder...Tırıdei jat qabyrǧada tärbilengender üşın – jetımhana!.. Hatşy. Ä?..Demek, sız, balalar üiınde tärbielengen boldyŋyz ǧoi?! Qyz. İä!.. Hatşy. Tüsınıktı... Qyz. Tüsınıktı bolsa, aryzym boiynşa tastandylar legın köbeitkenderdıŋ barşasyn sotqa şaqyrtyŋyz. Hatşy. Ol mümkın emes. Qyz. Nege?! Hatşy. Bırınşıden – olardyŋ bügınde basqa otbasylary bar, ekınşıden – tapsyrǧan adamnyŋ aty-jönı qūpiia saqtalady, üşınşıden -... Qyz. Sız, sol qūpiiany aşu üşın sotqa şaqyrtyŋyz!..Qolyŋyzdaǧy bilıkpen küllı qūpiialardy talqandaŋyz!..Jazyqsyz närestenıŋ taǧdyryna balta şapqany üşın, öz basyn küittep jürgen «kökekterdı» myna bızderdıŋ aldymyzda jauapqa tartyŋyz! Hatşy. Bırınşıden – men, nebärı sottyŋ hatşysymyn. Ekınşıden – baqqysy kelmegen balalaryn öz qolymen erıktı türde tapsyryp ketken ata-analardy sottauǧa zaŋ joq, üşnşıden -... Qyz. Sızdıŋ sotyŋyz «bırınşı men ekınşı»- den tūrady ma?! Sonda myna bızder, neşınşı oryndamyz?! Jaltarmaŋyz...Jauap bermeiınşe myna jerden eşqaida ketpeisız! Äiel. Ei, qai jerde tūrǧanyŋdy ūmytyp qaldyŋ ǧoi deimın?! Tapqan sözın?! Toqtap tūrǧan liften qaida barady deisıŋ?! Aidauyl. Al, äitpese?! Bır ai boiy sotqa adam tasyp jürıp, mynadai spektakldı älı körmeppın?! «Quyrdaqtyŋ kökesı...» boldy-au,ä?! Hatşy. Sız maǧan renjımeŋız...Är närsenıŋ tärtıbı...Zaŋdy oryndalu joly bar. Sızdıŋ aryzyŋyz boiynşa kımdı sottauy kerek?! Qyz. Onyŋ jolyn sızder tabyŋyzydar!..Sızderdıŋ şeşımderıŋızdı prezidentten bastap – qaiyrşyǧa deiın moiyndaǧanda, menıŋ aryzymdy nege oryndamaisyzdar?! Qalaişa tüsınbeisızder...Men...Men, küieuge tiiuge qorqamyn... Aidauyl. Ne?!. Äiel. Mynau ne dedı?! Erkek. A?.. Qyz. Küieuge tiiuge qorqamyn deimın!.. Aidauyl. Besıkten belıŋız şyqpaǧan jas qyz emessız...Türıŋız kemı 22-23-temın dep tūr. Küieu sızdı jep qoimaidy. Nesıne qorqasyz?! Qyz. Jaişylyqta solai körıner bolar. Bıraq men, küieuge şyǧudyŋ özınen emes – küieuım kım bolady degen oilan qorqamyn?! Hatşy. (Aidauylǧa)Sız bırdeŋe tüsındıŋız be?(Aidauyl iyǧyn qiqaŋdatady) Sızder şe?! (Erkek pen Äieldıŋ közderı baqyraiǧan küiı ünsız qalǧan) Tüsınıktı...(Qyzǧa) Kördıŋız be, jalǧyz men emes – myna kısıler de tükke tüsınbeptı. Men... Qyz. Nesıne taŋyrqaisyz?! Hatşy. Bırneşe jyldyq sot qaǧazdaryn jürgızgen täjırbiem bolǧandyqtan aitsam; Bırınşıden – «küieuge tiiuge qorqatyny» üşın qarastyrylǧan zaŋ joq, ekınşıden - sızdei sūlu qyzdy aluǧa daiyn jıgıtter örıp jürgende... «tiiuge qorqamyŋyzdy» qalai tüsındık?! Qyz. İä...Jıgıtter örıp jür...Bıraq, ol jıgıtterdı men qabyldai almaimyn. Äiel. Al, äitpese?! Joq emes «bar» eken...Bardy qabyldamasaŋ, oǧan kım kınälı?! Jalpy, senıŋ küieuge tigen-timegenıŋ kımge mındet?! Qyz. (eŋırep jıberedı) Sebebı sol!.. Hatşy. (tosyn jaitqa sasqalaqtap) Jylamaŋyzşy...Qūdai üşın jylamai, adam ǧūsap tüsındırıŋızşı?! Järaidy...Al, tyŋdaiyn...Ne sebeptı jıgıtterdı qabyldai almaisyz?! Qyz. Eger ol...Eger ol... Hatşy. İä, eger ol?.. Qyz. Eger ol...(jylap jıberedı) Eger ol... Äiel. Tuh, adamnyŋ ışın keptırmei, aldymen aityp baryp jylasaŋşy?! Qyz. Ol jıgıt...Ol jıgıt menıŋ tuǧan menıŋ aǧam...bauyrym bop şyqsa şe?! Hatşy. Ne?! Qyz. Menı süigen...Men süiıp qalǧan jıgıt...Menıŋ belgısız äke-şeşemnen tuylǧan bauyrym bop şyqsa şe?! Ne?! Olai boluy mümkın emes dep oilaisyz ba?! Äiel. Qūmyrsqadai qybyrlaǧan adamdardyŋ arasynan nege tap saǧan «aǧaŋ» kezdesuı kerek?! Adam da oilamaityndy oilaidy eken-au?! Qyz. Senbei tūrsyz ba?! Menen ekı jas ülken qūrbym, byltyr küieuge şyqty... Hatşy. Qūtty bolsyn... Qyz. Qaidaǧy qūttylyq?! Sūrastyra kele küieuınıŋ kım bop şyqqanyn bılesız be?! Özın tastap ketken äkesınıŋ zaŋdy nekeden tuylǧan ūly bop şyqty?!! Aidauyl. Ne...Ne dedıŋız?!. Qyz. Süigen jarynyŋ tuǧan qaryndasy...qandasy ekenın bılgen jıgıt – asylyp öldı!.. Aidauyl. A?!. Sūmdyq-ai...Masqara?!. Qyz. Masqaranyŋ kökesı sol...Şyndyqtyŋ betı aşylǧannan sorlaǧan qūrbym, toǧyzynşy qabattan sekırıp ölgısı kelgende tırı qalyp, jūlyny zaqymdalyp...Ömırlık tösekte bailanyp jatyr. Al...Būl sūmdyqqa kım jauapty?! Ekı bırdei örım jastardyŋ qasyretıne kım kınälı?! Äiel älsırep, qabyrǧaǧa süiengen boiy tızerlep otyra ketedı. Hatşy. Tüsınemın... Qyz. Tüsınemın?! Tüsınbeisız!..Sız tükke de tüsınbeisız?! Tüsınseŋız, janyma tierdei sūraqtar qoimas edıŋız. Halyqaralyq jarystarda jüldelı oryn ielenıp jürgen balerina – tösekte jıpsız bailanyp jatyr...Aityŋyzdarşy, ūrşyqtai üiırıletın bişi qūrbymnyŋ öle-ölgenşe tösekke bailanǧan tragediiasyna kım sebepker?! Hatşy. İä...Aianyşty oqiǧa eken... Qyz. Aianyşty?! Sızder üşın jäi ǧana «aianyşty oqiǧa...». Myna bızder...Jatyrdan jylap şyqqan teksız tastandylar üşın şe?! Bılesız be, bızge qaraǧanda sol qūrbym «äke-şeşemdı tapsam» dep erekşe armandaityn. Tapty...Qandai jolmen tapty deseŋızşı?! O, qūdai?!. Sız sotsyz ǧoi, aityŋyzşy...Jazyqsyz näresetelerdıŋ küiregen taǧdyryna kım jauapty, a?! Qūrbym men küieuınıŋ ne jazyǧy bar?! Mıne, sol sebeptı sızge kelıp tūrmyn. Aidauyl. Estımegen – elde köp...Sūmdyq-ai?! Hatşy. Äitse de... Millionǧa – bır kezdesetın jaitqa bola, küieuge tiiuden bas tartuǧa bola ma eken?! Qyz. Kelesı millionǧa tap bolsam şe?! Ne, olai boluy mümkın emes dep oilaisyz ba?! Ana qūrbym da solai... «Özıme janūia tabamyn» dep oilaǧan. Myna sızder, «janūia» sözınıŋ qadyrın... Bır ūiada bas qosyp otyryp şäi ışkennen artyq baqyt joq ekenın ūǧynamysyzdar?! Erkek. Qyzym, sabyr saqtaşy...Sözıŋnıŋ bärı oryndy. Taǧdyrdyŋ talqysyna tüskendı kım qalaidy deisıŋ. Qatelıkter baspaldaǧy bärımızdı sarapqa salady. Qai jerınen sürınetınıŋdı qaidan bılersıŋ? Qyz. Men ǧaşyqpyn...Kezdesıp jürgen jıgıtımdı ölerdei süiemın. Onsyz maǧan tırşılıktıŋ mänı joq sekıldı... Bır ai būryn ol maǧan üilenuge ūsynys jasady...Men...Quanudyŋ ornyna qorqyp kettım...Tüsınesız be, üreilendım... «Aǧam bop şyqsa qaitemın?!» degen üreiden tünı boiy köz ılmei şyǧamyn. Şynymen solai bop şyqsa şe?! Olai emestıgıne anau, menı tastandyǧa ainaldyrǧan ekeuden basqa kımnıŋ kepılı bar?! Aityŋyzdarşy, qūdaişylyqtaryŋyzdy aityŋyzdarşy... Sonda men... Ömır boiy qorqumen...üreimen ömırımdı öksıtıp ötkızuım kerek pe?! Bızdıŋ közjasymyzdyŋ öteuın kım töleidı?! Sondyqtan, ana jauyzdardy...oinap jürıp ot basyp, «nätijege» ainalǧan beikünä bızderdı «teksız tastandylarǧa», «teksız tobyrǧa» ainaldyrǧan äielder men erkekterdı sotqa tartyŋyz!.. Äiel esınen tanyp, qūlap tüsedı. Erkek. (Äieldı süiemeldep) Sızge...Sızge ne boldy?! Tūrǧandar ne ısterge amal tappai äbırjıp qalady. Hatşy. Sömkelerıŋızge salyp alǧan sularyŋyz joq pa edı?! Qyz. Jöl-jönekei su ışetın ädetım joq edı... Aidauyl. Endı qaittık?! Qyz, sömkesınen jelpıgışıa alyp, Äieldıŋ betın jelpi bastaidy.ıközın aşyp, esın jinaidy. Erkek. Uh...Qūdaiǧa şükır?! Ūryssaŋyz – ūrysa berıŋız, tek, ötınem, tala körmeŋızşı?! Adamnyŋ zäresın alyp?.. Äieldı jabyla süiep, ornyna tūrǧyzady. Äiel. Keşırıŋızder... Erkek. Oqasy joq... Aidauyl. Men osy Gollivudtyŋ kinosyna kırıp ketken joqpyn ba?! Hatşy. Sen de bır qaidaǧy Gollivudty aityp...(liftıŋ tetıgınıŋ tübınen aiqailap) Ei, baqandai bır saǧattan berı lifttı ızdemei neǧyp otyrsyŋdar?» myna qapastan şyǧarasyŋdar ma, joq pa?! (qabyrǧasyn sabalap) Ei, tezdetıp bızdı şyǧaryŋdar! Ei, lifttı qosyŋdar deimın?! Erkek. Jobamda bızdı şynymen ūmytqan tärızdı... Aidauyl. Qap?!. Bügın erterek jūmystan şyǧyp, kezdesuge baramyn dep josparlap qoiyp edım... Hatşy. (Qyzdy jūbatqysy kelgendei) Sız menı keşırıŋız...Oilamaǧan jerden... İä...Taǧdyrlaryŋyz aianyşty... Qyz. Al, sız aiamaŋyz!..Şaranadan şyǧa qatygezdıkpen süiegı bekıgen bızder «aiau» degen ekıjüzdılıktı qabyldai almaimyz. Äke-şeşesınıŋ bauyrynda öskenderden bızdıŋ erekşe aiyrmaşylyǧymyz – kölgırsudı közsız körıp, ünsız sezıp qoiamyz. Sondyqtan, aitar sözıŋızge bırden kırısuıŋızge bolady. (tesılıp qaraǧan Hatşyǧa) Ädemılıgıme qyzyǧyp tūrsyz ba?! Nesıne qysyldyŋyz?! Tūsymnan ötken erkek kındıktıŋ moiyny üzılerdei būrylatynyn bılmeidı ǧoi deimısız?! Älıgı «erkek pen äieldıŋ» maǧan syilaǧan jalǧyz syiy osy – sūlu ǧyp tuǧyzǧandarynda ǧana...Qūbyjyq bolmaǧanyma şükır... Hatşy. Qūbyjyqtyq tek syrt beinege bailanysty ma eken?.. Qyz. «Syrty sūlu bola tūra – jan-düniesı qūbyjyqtar bar» degıŋız kelıp tūr ma?! Hatşy. Ony qaidan bılıp qoidyŋyz?! Qyz. Jaŋa ǧana «kölgırsudı közsız körıp, ünsız sezıp qoiamyz» degen joqpyn ba?! Basqa-basqa, kıtap oqu...Sabaqqa daiyndalu jaǧy jetımhanada jolǧa qoiylǧan. Sızderdıŋ otbasyly balalaryŋyzdan artyq bılmesek, kem bılmeimız. Sonymen, älıgılerdı sottaisyz ba, joq pa?! Hatşy. «Sottaǧan degen osy eken» dep, bet joq köz joq, kımdı sottauym kerek?! Qyz. Nege bet joq, köz joq?! Menı tastap ketkender şe?! Hatşy. Jaqsy... (Qyzǧa) Bızge kelmes būryn balalar üiınıŋ basşylarynan «menı tapsyrǧan adamnyŋ aty-jönı kım» dep sūradyŋyz ba?! Qyz. Sūrauǧa miym jetpedı dep oilaisyz ba?! Sūradym... Hatşy. Al?.. Qyz. Menı...Aialdamaǧa...Aialdamanyŋ oryndyǧyna tastap ketıptı...Tym qūrysa tegım jazylǧan bır japyraq qaǧazdy qaldyruǧa qimaǧan...Bılesız be, men teksızbın?!. Külkılı... Sonau köne ǧasyrda salynǧan ǧimarattardyŋ jobasyn syzuşylardyŋ aty-jönı jazylyp qoiylǧan Al, myna bızderdıŋ, tırı jandardyŋ naqtyly tegımız joq. Ainalaŋyzǧa qaraŋyzşy...Men siiaqty «teksızder» örıp jür...Äkemızdıŋ kım ekenı...Anamyzdyŋ kım ekenı belgısız, köşede qaŋǧyp jürgen būralqy itter sekıldı kıl «teksızdermız»!.. Hatşy. Tym qatty aittyŋyz... Qyz. Sız qalai oilaisyz, men üşın myna ömırde «jūmsaq» närse boldy ma?! Hatşy. Endı... Qyz. Ärine, aita almaisyz...Menıŋ jalǧyz ǧana armanym bar...Menı düniege äkelgen «ekeudı» sottau!..Qaraŋǧy qapasqa tastap, jaryq dünienı köruge zar etkızu!.. Aidauyl. Sız...Tym qatal ekensız?! Qyz. Menı...Şaranadan endı şyqqan myna menı kım aiady, a?! Kışkentai balanyŋ esınde eşteŋe qalmaidy dep jatady. Ötırık!..Üş jasar kezımdegı oqiǧa jadymnan ketpeidı...Üstıme şeşek şyǧyp auyryp qaldym. Kışkentai tänım körgen azabym esıme tüsse, älı künge sai-süiegım syrqyraidy. Menen de basqa jetımekter tolyp jatqan jetımhanada tärbieşıler jetıspeitını beseneden belgılı jait. Sausaqpen sanarlyq tärbieşılerdıŋ ūlardai şulaǧan tastandyradyŋ qaisybırıne qoldary jete beredı deisız?!. Öz ata-anamyzdan qatygezdıktı közımız aşylmai jatyp körgen bızderge, olardyŋ da emeşelerı ezılmeitını jasyryn emes. Menıŋ är jarama kım därı jaǧyp otyrsyn...Uaqtyly därı jaǧylmaǧannan şeşegım asqynyp ketıp, tūla boiym jaraǧa sıresıp qaldy. Är-bırden qyşyp, süiekterımdı qaqsatqanda...(eŋıreidı) Ystyǧym köterılıp, denemnıŋ ot bolyp janǧany esımde. Ary qarai...Jobamda sandyraqtasam kerek...Alǧaş ret «Mama» degen beinenı kördım. Qalyŋ ottyŋ ortasynan alyp şyǧuyn... Tym qūryǧanda üstıme su sebuın ötınıp jalbarynamyn. Ol...Būrylmady... Tüiiulı qabaqtarymen, suyq közderı öŋmenımnen öterdei tesıle qarap, būrylyp ketıp bara jatty... Alǧaş ret eşqaşan aitpaǧan sözdıŋ auzyma qaidan tüskenı qaidam... «Mama...mamatai» dep jylap oianǧanym esımde...Közımdı aşqan kezde körgenım – tärbieşı apai därını jarama batyryp-batyryp jaǧyp jatyr eken. Är batyrǧanynan şybyn janymnyŋ közıme körınetınımen jūmysy qaidan bolsyn?! Tıstendım... Jylamauǧa... Ünsız könuge tyrystym. Kıp-kışkentai bolsam da, tap sol kezde «qasymda mamataiym bolǧanda tez jazylyp keter edım» dep armandadym. Jaŋa, menıŋ sanamaǧyma küldıŋızder...Menıŋ sanamaqpen üreidı qualaitynymdy, sanamaqpen arpalysyp jatyp ūiqyǧa ketetınımdı qaidan tüsınersızder?! Sız bolsaŋyz «tym qatalsyŋ» dep aiyptaisyz. Qasqyr ekeş qasqyr da böltırıgın arqasyna arqalap jürıp auyzdandyrady eken. Sonda menı jaratqan «ekeu» - qasqyrdan ötken jyrtqyştar bolǧany ǧoi?! Mıne, sızge sottauǧa degen dälel!..Sebebın jetkılıktı keltırdım ǧoi deimın, endı qarsy bolmassyz?! Aidauyl. (jylaidy) Sūmdyq...Sūmdy-ai?! Hatşy. Jylaityndai saǧan ne körındı?! Aidauyl. Keudesınde jany bar adam, mynandai zarǧa qalai şydaidy?! Erkek. Uh?!. Sız...Bälkım esebın tauyp, myna kısınıŋ ötınışın oryndatarsyz. Hatşy. Bärın...Bärın tüsınıp tūrmyn. Äitse de, zaŋ aiasynan asyp, «küllını» qalai sottaimyn?! Tym qūrysa tegı belgılı bolǧanda, söz basqa bolar edı?!. A...Qyzdy jūbatqandai) Tuǧan künıŋız ben jylyŋyzǧa säikes sol künı perzenthanalarda tuylǧandardy zerttep köreiın... Qyz. Ol jolyn da zerttep qoiǧanmyn...Men auruhanada emes, üide...baiyrǧy jolmen, jasyryn tuylyppyn...Äielder bosanatyn üide menıŋ jylymda, aiymda tuylǧan säbilerdıŋ kartotekasyn kötergenmın... Bärı ata-analarymen bırge ketken. Qaldyrylǧan eşkım joq. Bır aidyŋ kölemınde tuylǧandardy tügın qaldyrmai süzıp şyqtym...Üreilenuımnıŋ sebebın endı tüsıngen bolarsyz. Äiel. (Qyzdyŋ aldyna qarsy tūryp) Men daiynmyn... Hatşy. Qaida?! Äiel. Sotqa... Hatşy. Qaidaǧy sotqa?! Äiel. Myna kısı sızden sotty talap etıp tūr ǧoi?.. Hatşy. Tūrsa qaitedı eken?! Sızge onyŋ ne qatysy bar?! Äiel. Myna kısı naqtyly jauap bermeiınşe bärı-bır toqtamaityny körıp tūr. Sondyqtan, aryzdanuşynyŋ talabyn qanaǧattandyru üşın, menı sotqa tartyŋyz. (Qyzǧa) Eger, köz aldyŋyzda sot jürse, özıŋızdıŋ talabyŋyzdy «qanaǧattandyryldy» dep qabyldaisyz ǧoi, ä?! Qyz. İä... Äiel. Bolmaǧan jaǧdaida şe?! Qyz. Bolǧanǧa deiın osy jerden tyrp etpei kütemın...Kütuge jyl qajet bolsa – jyl boiy kütemın. Äiel. Äne...Estıdıŋız be?! Jyl boiy kütetın uaqytyŋyz bar ma?..Ärine, joq. Sondyqtan, sızdıŋ qyzmetıŋızdı qūtqaru barysynda menı sotqa tartuyŋyzdy ötınemın. Neǧūrlym tez bastasaŋyz – soǧūrlym tez aiaqtaisyz. Sotty bastaŋyz... Erkek. Men osy jyndyhanaǧa kırıp ketken joqpyn ba?! Qyz. Bolmaidy... Äiel. A?! Nege bolmaidy?! Qyz. Kınälı ekeu bolǧandyqtan, bıreuıne ǧana sot jürgızuge bolmaidy. Erkektı de sotqa tartu kerek. Hatşy. Al, äitpese?! Bıreuı azdai, ekınşısın talap etedı özı?! Psihologta bolmaǧanyŋyzǧa bıräz bolyp pa edı?! Qyz. Eger, esı auǧan deitın bolsaŋyz, abyrjymaŋyz...Esım ornynda. Ekı jaqty bettestırmei, bırjaqtama ükımdı qalai şyǧarmaqsyz?! Hatşy. Sız özı...Menen asyp sot bop tūrsyz ǧoi?! Qyz. Qolyŋyzdaǧy aryzda «äielder men erkekter» delıngen... Hatşy. Hoş delık?.. Qyz. Äiel tabyldy delık...Erkek qaida?! Äiel balany külge aunap tappaǧan şyǧar?! «Bala jasau prosessıne atsalysqan» äke qaida?! Erkektı tappaiynşa, sottyŋ bastaluyna qarsymyn! Hatşy. Taptym!.. Bız bügın, süiıktım ekeumız teatrǧa baramyz dep kelısken edık. Men sızdı teatrǧa ertıp aparaiynşy?! Qyz. Teatrǧa?! Teatrda ne ısteimın?! Hatşy. Aktrisalyqqa ūsynamyn. Sız bar ǧoi, joq närsenı qatyryp oinaidy ekensız. Myna tūrysymyz «köŋıldı komediia» bop şyǧa keledı... Qyz. Sız ...Sız menı mazaqtap tūrsyz ba?! Men sızdı...Men sızdı?!. Hatşy. Ne, sotqa beremın demekpısız?! Sot sızge oiynşyq pa?! Äi joq, şäi joq, kım körıngen aryz jazdy eken dep, betaldy sot bola beredı dep kım aitty sızge?! Aidauyl. Aiqailamaŋyz?! Hatşy. Ne?! Aidauyl. Aiqailamai söileŋız deimın?! Myna jerdegılerdıŋ jüikesı qyldan jūqaryp tūrǧanyn körmeimısız?! Aiqaidyŋ ornyna myna kısınıŋ talabyna jauap berıŋız. Qajet bolsa – küllı älemnıŋ äielderı men erkekterın şaqyrtyŋyz! Öz ūrpaǧyna jasaǧan qiianatyna jauap beretındei jaza beretındei jolyn qarastyryŋyz! Hatşy. Aiqailamaŋyz?! Aiau sezımı tek sızde ǧana bar dep kım aitty?! Maǧan salsa, tap qazyr qatygezderdıŋ tügın qaldyrmai şaqyrtar edım, bıraq, naqtyly zaŋ joq qoi?! (jäisız ünsızdık ornaidy) Ötınemın...Sabyr saqtaŋyzdar. (Qyzǧa) Baiqauymşa, talabyŋyzdan qaitpaityn siiaqtysyz. Senseŋız, sızge kömekteskım kelıp tūr. Bıraq, jolyn körmei tūrmyn. Men sot emes – jäi ǧana sottyŋ hatşysymyn. Äiel. Bız sızdı «sot» dep qabyldaimyz. Jaŋa ǧana ūzaq jyldan berı sot jüiesınde jūmys ısteitındıgıŋızdı aittyŋyz. Demek, sız üşın sot prosessın jürgızu taŋsyq emes. Myna lifttıŋ jüretın türı körınbeidı. Bekerge tūrmai, qūryǧanda bıreudıŋ talabyn oryndaiyq. Bastaŋyz... Nesıne taŋyrqandyŋyz, sotty bastaŋyz dedım ǧoi?! Qyz. Qarsymyn...Erkeksız sot jürmeu kerek. Äiel. A?! Erkek. (Qyzǧa küiınıp) Myna kısı rolıne ädemılep kırıp barady ǧoi, özı?! Äiel. (Erkektıŋ qarsy aldyna tūryp) Mıne!..Erkek daiyn! Erkek. Keşırıŋız...Men sızdı tanyimyn ba?! Äiel. Tanysqannyŋ kökesı alda...Mynau – senıŋ qyzyŋ!.. Erkek. A?! Ne dedıŋız?! Qaidaǧy qyz?!.Men mūnda basqa jaǧdaimen... (Hatşyǧa jalbaryna) Keşırıŋız...Men alimenttı der kezınde tölei almaǧandyǧymnan sotqa şaqyrylǧan edım. Şyntuaityna kelgende, aliment töleuden qaşqanym joq...Tek, byltyrdan berı jūmystyŋ retı kelmei... Äiel. Ne sebeptı qyzymyzdy jetımhanaǧa ötkızgenımız üşın menımen bırge jauap ber. Erkek. Sızge ne körıngen?! Qaidaǧy qyz?! Qaidaǧy ötkızu! Bılgıŋız kelse, menıŋ balam nebärı tört jasta. Äielım – mektepte mūǧalım. Sızdı...Kerek deseŋız, men sızdı tanymaimyn. Äiel. Ärine...Sebebı, sen menı myna qyz boiyma bıtkenın bılgen kezde, tastap ketkensıŋ. Erkek. Ne deidı?! Sız...Sız ne dep tūrsyz?! (ketkısı kelıp ūmtylady. Liftke soǧylady. Jandalbasamen liftı toqpaqtai bastaidy) Ei, ei, tömendegıler?! Qyrylyp qalǧanbysyŋdar?! Jürgızıŋder?! Ei, lifttı jürgızıŋder?! Ne päle körıngen... Şetıŋnen ūiyqtap qalǧan ba?! Myna şaitan alǧyr liftı jürgızseŋderşı, ei?! Hatşy. Bekerge äure bolmaŋyz. Jobasy, tömendegıler tüskı üzılıske şyǧyp ketkenge ūqsaidy. Erkek. (ekı qolyn köterıp) Qūdai üşın, adam ǧūsap tüsındırıŋızderşı...Myna jerde ne bop jatyr özı?! Tosynnan teatrǧa kırıp ketken joqpyn ba?! Hatşy. (aşy mysqylmen) Sot zalyna...Jauap beruge kırıp kettıŋız. Erkek. Dūrys qoi...Aliment tölemegenım...Jauap beruge kelgenım ras... Bıraq, myna kısını bırınşı ret körıp tūrǧandyqtan, tanymaimyn ǧoi?! (Hatşyǧa ūmtylyp) Keşırıŋız... Myna kısıdei qyzym ömırımde bolǧan emes. Özıŋız qarasaŋyzşy...Qaidaǧy qyzym?! Jas aramyz anau aitty alşaq ta emes... Qalaişa «menıŋ qyzym» bolmaq?! Qyz. Men sız siiaqty «qaşaq äkenı» sottauyn talap etıp kelgenmın. Sondyqtan, jauap beruge mäjbürsız. Erkek. (külıp) Ä?!. Endı tüsındım...Jobamda jarysqa körınıs daiyndap jatqan boldyŋyzdar ǧoi deimın?! Keşırıŋızder, men artistık qabyletten jūrdaimyn. Alda-jalda bileu qajet bolsa, bırdeme ǧyp ilalauyma bolady...Men...Men sälden keiın keleiınşı... (ketpek bolady) Hatşy. Sız sot jüiesınıŋ zaŋdy qyzmetkerıne tıl tigızgenıŋız üşın basyŋyzben jauap beretınıŋızdı bılesız be?! Erkek. (sasqalaqtap) Oibai-au, myna jerde ne bop jatqanyn dūrystap tüsındıretın jan bar ma özı?! Qaidan...qaida ǧana tap boldym özı?! Bır jyl tölemegen alimenttı ekı ese ǧyp qaitaramyn...Maǧan tiıspeŋızderşı?! Äiel. Rūqsatty ana qyzyŋnan sūra. Erkek. (Qyzǧa jalbaryna) Ötınemın...Maǧan tispesınşı, a? Qyz. Aldymen menıŋ sūraqtaryma jauap berıŋız. Erkek. Tfu?! (Hatşyǧa jetıp baryp) Mynalardyŋ esı auyssa da sızdıŋ esıŋız ornynda şyǧar...Myna jerde ne bop kettı özı, menıŋ ketuım kerek. Haşy. Qyzyq ekensız, sot bastalmai jatyp ketemıŋız ne?! Syrtyŋyzdan kölemdı jyl kesıp jıbersem qaitpeksız?! Erkek. A?! Ne deidı taǧy?! O, qūdai, qaida keldım?! Hatşy. Jauap beruşıler tügeldendı...Sot prosessın bastaimyz. Erkek. A...Toqtaŋyz...Toqtai tūryŋyz?! Hatşy. Ne aitpaqsyz?! Erkek. Azamattyq qūqyǧymdy aiaqqa taptap, orynsyz jerden oiynşyqqa ainaldyrǧandaryŋyz üşın, myna tūrǧan sızderdı sotqa men beremın! Äiel. Ai, qorqaq beişara-ai...Sol qorqaqtyǧyŋ älı qalmapty-au?! Erkek. Sız...Sız?!.Sız ne dep tūrsyz?! Sızdıŋ esıŋız auǧanmen – menıŋ esım ornynda! Men sızdı eşqaşan körgen emespın...Sızdei äielım de süiıktım de bolǧan emes. Bäleŋızdı jappaŋyz! Jolamaŋyz maǧan?! Men sızdı tanymaimyn dedım ǧoi, tanymaimyn !.. Hatşy. Ol jaǧy tüsınıktı jait...Sondyqtan, aldyŋyzda tūrǧan kısını esıŋızge tüsırıp, jaqsylap tanystyramyz. Aiyptaluşy...Sızge qandai aiyp taǧylyp jatqanymen tanystyraiyn... (Qyzdyŋ aryzyn oqyp) «Menıŋ sotqa aryz beru sebebım – öz balalaryn jetımhanaǧa ötkızgen küllı äielder men erkekterdı sotqa tartudy, jazalaudy talap etemın» delıngen. Erkek. Ne deidı?! Ha?! Ha-ha-ha?! Aittym ǧoi sızge...Mynalar esınen auǧan dep?! Ha-ha-ha?! Men, eşqaşan, eşkımdı jetımhanaǧa ötkızgen emespın...Eşqandai qyz, menen jüktı bolǧan emes. Menıŋ zaŋdy nekeden tuylǧan ūlym bar ekenı... Qazyrgı uaqytta äielım ekeumızdıŋ ajyrasqanymyz ras. Balamnyŋ jasy nebärı 4 jasta. (Qyz nūsap) Myna kısını jäne...(Äielge mysqylmen qarap) Myna kısını ömırımde bırınşı ret körıp tūrmyn. Aitpaqşy...Myna qaǧazǧa menı «keldı» dep qol qoiyp berıŋızşı. Erteŋ «kelmedıŋ» dep taǧy päle salyp jürse... Hatşy. Keşırıŋız...Men sızdı eşqaida jıbere almaimyn. Erkek. Ne?! Ne dedıŋız?! Hatşy. Üstıŋızden talap-aryz tüsıp otyrǧandyqtan, anyq-qanyǧyn ajyratpaiynşa, eşqaida jıbere almaimyn. Erkek. Men sızge myna kısılerdı tanymaimyn dedım ǧoi, tanymaimyn?! Senesız be, ömırımde körgen jandarym emes?! Aitpaqşy, sız – sot emes, qarapaiyş hatşy ekenıŋızdı ūmytyp kettıŋız ǧoi deimın?! Hatşylyq jönıŋızben tūruyŋyzdy ötınemın! Hatşy. Keşırıŋız...Oilamaǧan jerden qajettılık tuyndap ketkendıkten, sot boluyma tura keledı. Sözıŋızdıŋ qanşalyq şyndyq ekenın qazır...Jauap üstınde anyqtaimyz. Eger, eş kınäŋız joq bolsa, jolyŋyzdan qaldyrmaimyz. Nesıne sary uaiymǧa salynyp tūrsyz?! Erkek. O, Qūdai?! Hatşy. Maǧan kelıp tüsken talap-aryz boiynşa sot otyrysy aşyq dep jariialaimyn. Talap-aryzben tolyǧymen tanysqandyqtan, jauapty bastaimyz. Aldymen Äiel jauapqa şaqyrylady. (Äiel alǧa şyǧady) Hatşy. Aryz beruşınıŋ talabyna sai, Sız, taǧylǧan aiyppen kelısesız ǧoi?! Äiel. İä...Kelısemın... Hatşy. (Erkekke) Sız, aryz beruşınıŋ talabymen tanystyŋyz ǧoi?! Erkek. Tanystym. Bıraq, men qarsymyn!.. Menıŋ eşqandai tastandy qyzym joq, jäne bolǧan da emes. Sondyqtan, menıŋ qarsy ekenımdı jazyp qoiyŋyz. Hatşy. Qatysyŋyzdyŋ qanşalyq bar-joǧyn tekseru kezınde anyqtaimyz dedım ǧoi sızge?! Sonymen, osy tūrǧan ekeuıŋızge bırdei «öz säbiın jetımhanaǧa tastap kettı» degen aiyp taǧylyp otyr. Osy aiyp boiynşa jauap beresızder.Berılgen jaǧdaidyŋ syn kötermeitın jerde ötkızuge mäjbür boluymyzǧa bailanysty, sūraq-jauap almasu qysqa, ärı nūsqa bolmaq. (Äielge)Äitse de, alǧaşqy sūraqty sızden bastalyq... «Ana» sözı osy tūrǧan barşamyzǧa eŋ ystyq, eŋ qūrmettı söz ekenı belgılı. Dese de, öz näresteŋızdı özekke teuıp, balalar üiıne tapsyruyŋyzǧa ne sebep boldy? Qyz. Sız sūraqty dūrys qoimadyŋyz. Hatşy. Jaǧalaspauyŋyzdy ötınemın. Sūraq-jauap ötkızuge men ǧana qūqylymyn. Qyz. Qarsylyǧym joq, tek... «Balalar üiıne tapsyruǧa» degen sözıŋızge qarsymyn. Hatşy. Tüınbedım?..Jaŋa ǧana «jetımhanada tärbielendım» degen özıŋız emes pe?! Qyz. Tärbielengenım ras...Tek, menı tapsyrǧan joq, menı aialdamaǧa tastap ketken. Hatşy. Ah, iä... Aialdamaǧa tastap ketuıŋızge ne sebep boldy?! Äiel. Ne sebep bolsyn....Qorqynyştyŋ kesırınen. Hatşy. Sonda sız öz basyŋyz üşın qoryqqanda, aialdamada iesız qalyp, qyzyŋyz auyryp qalady degen oidan qoryqpaǧanyŋyz ba?! Äiel. Qyzdy oilaityndai zaman boldy ma?..Onyŋ üstıne, tap sol sätte öz basyŋnan artylardai zäre joq...Qol sozardai jan tappai, qorşaǧan üreidıŋ jetegıne erıp ketesıŋ... Hatşy. (Erkekke) Aityŋyzşy...Süiıktıŋızdıŋ jüktı bolǧanyn bılısımen, qaşyp ketuıŋızge ne sebep boldy?! Erkek. Aramyzda eşqandai mahabbat joq, jäi, köŋıl köteruden paida bolǧan balany qaitpekpın?! Äiel. Oŋbaǧan?! «Öldım-taldym» dep, soŋymnan sümeŋdep qalmai qoiǧanyŋ qaida?! Erkek. «Qyzdy – kım aittyrmaidy, qymyzdy – kım ışpeidı»?! (Sotqa) Menı ne üşın sotqa tartyp jatqanyŋyzdy tüsınbeimın...Qyz bala degen aldymen abyroiyn oilauy tiıs qoi?! Äiel. Dūrys aitasyŋ, «abyroiymdy oilauym kerek edı». Bıraq, sender... erkekter, qyzdyŋ da sen siiaqty et pen süiekten jaralǧanyn...«Süiıktısıne ainalǧan» jıgıt mahabbat sezımıne bölep, aimalap-öpken sätterde, qyzdyŋ da erkınen airylatynyn nege esepke almaisyŋdar?! Bızdı qara tastan jaralǧan dep kım aitty?! Myna menıŋ...Ömırınde alǧaş ret mahabbat sezımın basynan keşken, «adamdar aramdyq jasaidy» degen oi, üş ūiyqtasa tüsıne kırmegen jas qyzdyŋ erkınen airyluyna kım sebepker?! Erkek. «Tana közın süzbese – būqa jıbın üzbeidı»!.. Emeurın bıldırgenderge özderıŋ bır iyqtaryŋdy berıp tūrǧanda, jıgıttıŋ nesı ketedı deisıŋ?! Qyz. «Nesı ketedıŋız» qalai?! Nätijesınde men sorlap qaldym emes pe?! Erkek. «Senı aialdamaǧa tastap ketsın» degendı şeşeŋe men aitqan joqpyn. Äiel. Aitqan joqsyŋ, ärine...Bıraq, sol ailarda...Boiyma bıtken balany qaiterımdı bılmei zar ilegen kezderımde qaida boldyŋ?! Tym qūrysa en taǧyp, balaŋdy ielengen soŋ tastap ketseŋ de aiaǧyŋa jarmaspas edım. «Menı ızdemesın. Basqa qyzǧa üileneiın dep jatyrmyn» degendı joldasynan sälemdemege aittyrǧan sen be, men be?! Hatşy. Nege ündemeisız?! Erkek. Men... Hatşy. İä, sız ne aitpaqsyz? Erkek. Men de adammyn ǧoi...Qorqyp kettım. Üilenu oiyŋa kırıp-şyqpaǧan kezde, jäi, köŋıl aulap jürgen qyzyŋ «aiaǧym auyr» degende, esım şyǧyp qorqyp kettım. Äiel. «Jäi, köŋıl aulap?!.» Hatşy. Sabyr...Jauabyn kütıŋız. (Erkekke) Eŋ oŋai jol – qaştym deŋız? Erkek. ?.. Hatşy. Ekeulerıŋız de öz bastaryŋyzdy küittep kettıŋızder. Aldaryŋyzda – tastandy qyzdaryŋyz tūr. Qyzdaryŋyzǧa aitar jauaptaryŋyz bar ma?! Erkek. Aitqanda...Bız erkekpız ǧoi...O bastan jauapkerşılık äielden talap etıletının bıle tūra, mynanyŋ jeŋıltek jolǧa baratynyn oilamappyn. Äiel. Ökınışten örtengen sorly basym, oqudan şyǧyp qalamyn ba degen üreiden, ışımdı bıldırmes üşın tas qyp bailap tastaitynmyn. Qūdaidyŋ maǧan bır qarasqan jerı, ışım ülkeigen kez – qys mezgılıne tap boldy. Syrt kiımnen anau aitty bılınbeitın. Jataqhanada bırge tūratyn qyzdar bılıp qalmasyn degen üreimen, aqysy qymbat bolsa da jeke päter jaldap tūrdym. Bai kempır jeke tūrady eken. Kütımın jasap, üi qyzmetşısı boluǧa kelısıp, tar bölmeden bır būryş berdı. Soǧan da baqytty edım. Kempırge bar jaitty aittym. Eger men, närestenı auruhanada bosanyp, tastap ketsem, oqu ornyma habar berıp, oquymnan şyǧyp qalatynymdy aitty. Oilana kele, kempırdıŋ zeinetker bır tanysy bala bosandyratyn därıger bolǧan eken. Ai-künım jetıp bosanar sätte üige aldyrttyq. İä...Men senı üide bosandym. Bıraq.... Qyz. Ne, bıraq?! Äiel. Ūzaq uaqyt boiǧy küizelıs öz degenıs ıstep, senı bosanǧan soŋ, qanym toqtamai, esımnen tanyp ūzaq jattym. Senı, älıgı därıger kempır jörgekke orap, alyp ketken bolatyn. Hatşy. Qaida aparǧanyn sūradyŋyz ba?! Äiel. (basyn şaiqap) Sūrauǧa qoryqtym!..(eŋırep jıberedı) Künderdıŋ-künınde şydai almai ızdep baramyn dep qoryqtym. Araǧa jyl salyp oqtalǧan kezımde, därıger kempırdıŋ qaitys bolǧanyn estıdım. Senıŋ qaida tapsyrylǧanyŋ ol küiı qūpiia bolyp qala berdı. Hatşy. Būl kısınıŋ aituynşa «aialdamadan tabylǧan». Älıgı därıger qaida aparǧanyn tym qūrysa emeurınmen bıldırgen joq pa edı?! Bälkım, päter jaldauşy kempırge aitqan bolar?! Äiel. Sūradym... Qyz. İä...Qaida tapsyrypty? Äiel. Balalar üiınıŋ qasyndaǧy aialdamaǧa tastap ketıptı... Erkek. Tym qūrysa, balalar üiıne tapsyryp ketse qaitedı?! Qyz. Sız...Sız şe?! Sol kezde qasymda sız nege bolmadyŋyz?! Bauryŋyzǧa nege baspadyŋyz?! (Erkektı jyndana sabalap)Men, nebärı jazyqsyz şarana edım ǧoi?! Menıŋ jauraitynymdy...Qarny aşyp jylaitynymdy...Äke-şeşemdı kütıp zaryǧatynymdy nege oilamadyŋdar, nege?! Hatşy Qyzdy äreŋ bosatyp alady. Hatşy. Toqta...Doǧaryŋyz deimın?! Qyz. (yşqyna būlqynyp) Menıŋ papam men mamamen bırge seiıl qūrǧym keletının, ädemı köilek kigım keletının nege oilamadyŋ, a?! Moinyŋa asylyp erkelegım keletının, keudeŋe basymdy qoiyp jylaǧym keletının nege oilamadyŋ?! Aidaladaǧy bıreudı kınälaidy ǧoi?! Öz künäŋ şe?! Äiel. (Qyzdyŋ aldynda tızerlep) Keşır menı?.. Qyz. (eŋırep) Keşır?! Bar bolǧany «keşır» me?! Men sızdı, myna kısımen bırge sotqa beremın! Erkek. Sen endı...Özıŋ sol kezdegı menıŋ jasymdasyŋ...Jastyq şaqta alda ne kütıp tūrǧanyn oilap, bas qatyratyn kım bar deisıŋ?! Sol kezde eŋ oŋai joldy taŋdaǧanymdy moiyndaimyn. Būlai bolaryn bılgende... Qyz. Menen qūtyldym dep oilaǧan ekensıŋ ǧoi?! Ökınışke orai, men – tırımın!..Şalajansar janymdy süiretkıdei süirelep jürgenıme 23 jyl boldy!.. Jıgıtımnıŋ közınen jetımekke qaraǧandai aiauşylyq ūşqynyn körgende, myna ömırden baz keşıp ketkım keletının tüsınesıŋder me?! Menıŋ kım ekenımdı bılgılerıŋ kele me?! Men... Ekeuıŋnıŋ...Näpsısın tyia almaǧan ekeuıŋnıŋ künälaryŋmyn! Äiel. (janūşyra) Olai demeşı, jalynamyn?! Qyz. Solai?!. Künäharlardyŋ jer betıne tastap ketken künäsımın!..Mıne, men kımmın!.. Erkek. Keşır...Keşır menı... Äiel. (jasyna tūnşyǧa jantalasyp) Keşır...Keşır men?! Senıŋ öteuıŋdı ötegım kelıp bırınşı söz salǧan erkekke küieuge tidım. Üş bırdei balam bar. Bosanar kezdegı qinalǧan sätterımde ylǧi senı oilaitynmyn. Senen keşırım sūraitynmyn. Men, bärı-bır baqytsyzbyn!.. Menıŋ baqytym senımen bırge ketıptı. Keş tüsındım...Jiyrma üş jyldan berı janymdy egegen osy sūraqtan jüikem jūqaryp, aqyry küieuımnıŋ qaşyp ketuıne özım sebepker boldym. Boiymdaǧy baqytsyzdyqty sezetın küieuım, tünımen uhılep şyǧatyn ädetımnen şarşasa kerek, şydai almai ketıp tyndy. Üş balama janym aşyidy...Saǧan bere almaǧan jylulyǧymdy solarǧa bergım kelıp talpynamyn...Bärı-bır, olardyŋ ortasynan senı ızdeimın. Jastyq älsızdıgım, qorqaqtyǧym...Süigenımnıŋ opasyzdyǧynan tūla boiy tūŋǧyşymdy tastap ketken opasyzdyǧyma ökınışten ışım udai aşyidy!.. Bılemın...Maǧan keşırım joq. Mümkın bolsa, keşırme. Eşqaşan myna ekeumızdı keşırme!.. Menıŋ qūdai aldyndaǧy öteuım sol bolsyn. Qyz solyǧyn basa almai eŋırep tūr. Qyz. Qyz ben Jıgıt, näpsı jolyn taŋdaǧan kezde, myna bızderdıŋ ömır boiy jylap ötetınımızdı nege oilamaisyzdar, a?! Ainalamda bolyp jatqan özgerısterden jüregım ainyidy...Jahandau – adamzat üşın qaterlı jūtqa ainaldy!..Ana...Soǧysyp äure bolyp jatqandarǧa külkım keledı. Örkeniettı elderde eş soǧyssyz-aq, adamdary qūrdymǧa ketıp jatqany oilaryna kırıp-şyqpaidy. Keide men, küllı älemdı sotqa tartqym keledı. Toiynǧan... Daraqy...Jeksūryn qoǧamda ömır süruge mäjbürmın. Jap-jas bolyp, ne basyna kün tudy dersızder... Menıŋ qai jerde jūmys ısteitınımdı bılesızder me?! Klondastyru laboratoriiasynda!..Bügınde, zamanaui jetılgen qyzdar men jıgıtter üilenıp, otbasyn qūruǧa basyn qatyrǧylary kelmeidı. Qyzdar, bızdıŋ laboratoriiadan erkekterdıŋ quatty ūryǧyn qymbat aqşaǧa satyp alyp, boiyna ektıredı. Otbasyly ömırge janyn qinamastan, bala tuyp alsa boldy. Ol bala kımnıŋ ūryǧy, ol jaǧy tolǧandyrmaidy. Jıgıtter bolsa, ūryqtaryn aqşaǧa satqandaryna mäz...Soŋǧy kezderı jatjūrttyqtar ūryǧyn köptep ötkızetın boldy. Ūryǧyn ötkızıp bolyp zymiian jymysqylyqpen jymiiady. Beine bır «men senıŋ ūrpaǧyŋdy lastauşymyn!..» dep tūrǧandai mysqyldy körgende, janymdy qoiarǧa jer taba almaimyn. Tapsyrylǧan ūryq kodtalyp, qūpiiasy saqtalynady. Sonda... Aityŋyzdarşy, älıgı qyzdardyŋ jatyrynda öz bauyrynyŋ ūryǧy jatpasyna kım kepıl, a?! Tıpten, öz äkesınıŋ ūryǧy boluy äbden mümkın ǧoi?! Sonda...Adamdardyŋ haiuandardan aiyrmaşylyǧy qaldy ma?! Näsılı, dını, dılıne qarap jatqan eşkım joq. Quatty ūryq bolsa boldy...Qanyn saqtaǧysy kelgen ūlt, eŋ aldymen qyzdarynyŋ jatyryn saqtau kerek qoi?! Qazırgı qyzdardyŋ jatyrynda kımnıŋ ūryǧy ösıp jatyr, jaryq düniege kımderdı äkelmekşı, sony oilaǧan jan bar ma?! Qyzdyŋ jatyrynda bälkım, jatjūrttyqtyŋ ūryǧynan ektırılıp, anasynyŋ halqyna qarsy şabar aidaharlar önıp jatqan bolar?! Ūlttyŋ asylyn saqtauşy analaryŋnyŋ jatyryn ıbılıs jailap jatqanda kımge maqtanbaqsyŋ?! Bolaşaqqa ne betıŋdı aitpaqsyŋ?! Jahandanumen taitalasyp, alǧa ozǧannan tabaryŋ osy ma?! Qūdaiym-au, jatyry jynmen ūryqtanǧan qyzdan qandai ūrpaq önıp şyqpaq?! Mıne...Mıne sızderge bomba!.. Bızge atom bombasyn tastap äurege tüsudıŋ qajetı joq. Bız özımızge-özımız ūzaq mezgıldık, tüp-tamyrdy joiatyn bomba tastap jatyrmyz! «Mäŋgırttenu bombasy»?!! Aityŋyzdarşy, mäŋgürttengen qoǧamda kımdı sottauym kerek?! (eŋırep jylap otyr) Aidauyl jıgıt tosynnan basyn ūstai alyp, aiqailaidy. Tūrǧandar ürpiısıp qalǧan. Jyndanǧan Aidauyl, aiqailaǧan boiy lifttı ūrǧylap, tepkılei bastaidy. Aidauyl. A-aaa?! Sūmdyq...?! Men...Men endı ne ısteuım kerek?! Hatşy. Sızge ne boldy?! Aidauyl. Men endı qalai üilenemın?! Jo-joq, üilengennen būryn, jerdıŋ betın qalai basyp jüremın?! Hatşy. (Aidauyldy qapsyra qūşaqtap) Tynyştal?! Toqta...Toqta deimın?! Aidauyl. (Qyzǧa jetıp kelıp) Menı...Menı de sotqa ber! Hatşy. Sızge ne körındı?! Sabyr saqtasaŋyzşy?! Aidauyl. Sebebı, men de qylmyskermın?! (jyndana külıp) Bälkım men, mynalardan ötken qylmysker bolarmyn?! Qyz. Sız de?! Aidauyl. İä...Men de!..Üş ai boldy...Süiıktı qyzymmen bırge tūryp jatqanyma. Qyzym balalar üiınde tärbielengen...Jetımdıgınen qinalyp tūrǧanym joq. Maǧan küllı älem terıs qarasa da, süigenıme ökınben. Äkem «özımmen deŋgeiles bai jerdıŋ qyzyn alasyŋ» dep könbei jür. Men iuristpın. Myna jerde uaqytşa täjırbie jinaqtauǧa kelgenmın. Äkem, belgılı alpauyt. Közıne tüsken qyzdy qiyp tüsetın Don Juandyǧymen älemge äigılı...Bälkım?..Aaaa?!(qaitadan jyndanyp, lifttı tepkılei bastaidy) Aaaa?! Jaryq dünienı körgım kelmeidı!..Menıŋ süiıktım de äkemnıŋ tastandy qyzy bop şyqsa şe?! Aiaǧy auyrlap qalǧan talai qyzdardy äkemnıŋ oilanbastan tastap ketkenın anamnan estıgenmın. Aaaa?! Demek, jetımhanadaǧy teksızder tobyrynda menıŋ de bauyrlarym jür eken ǧoi?! (esı şyǧa elırıp) Toqtai tūr...Toqta?...Bälkım.... Süiıktımnıŋ...Bırge ömır süre bastaǧan mahabbatymnyŋ, äkemnıŋ qyzy bop şyqpasyna kım kepıl?! Eger, solai bop şyqsa...Menen ötken jiırkenıştı...Jer betınde menen ötken haiuan joq bolyp şyqpai ma?! Aaaa?! Ölgım keledı?! Ökınışpen ömırımdı bastaǧanşa, jer betınen joq bolǧym keledı?! Aaaaa?!. Özegı örtenıp, küŋırene jer toqpaqtaǧanAidauylǧa aitarǧa söz, jūbatarǧa tıl jetpegen Hatşy, Qyz, Äiel, Erkek, sıleigen boilary, küizele qarap tūr...

 

16.02.2016

Saia QASYMBEK

"Adyrna" ūlttyq portaly