Burynǵy Ishki ister mınıstri ustalǵanyn Bas prokýratýra rastady, dep habarlaıdy "Adyrna" ulttyq portaly QazTAG agenttigine siltep.
Bas prokýratýra Qazaqstannyń burynǵy ishki ister mınıstri Erlan Turǵymbaevtyń ustalǵanyn rastady.
«Qazaqstan Respýblıkasynyń Bas prokýratýrasy 2022 jylǵy qańtar oqıǵasyna qatysty qylmystyq isterdi tergeýdi jalǵastyrýda. 29 sáýirde laýazymdyq ókilettikterin asyra paıdalanǵan burynǵy Ishki ister mınıstri E.Z.Turǵymbaev QR QK 128-babyna sáıkes qamaýǵa alyndy. Qylmystyq iste memlekettik qupııany quraıtyn málimetter bar ekenin eskere otyryp, sotqa deıingi tergep-tekserýdiń basqa derekteri jarııa etilmeıdi», - dep habarlady seısenbide Bas prokýratýranyń baspasóz qyzmeti.
Eks-mınıstrdiń qańtardaǵy qaıǵyly oqıǵaǵa baılanysty qylmystyq is boıynsha ustalǵanyn Nege.kz basylymy málimdegen.
«Bizdegi derekkózdiń habarlaýynsha, dúısenbi kúni burynǵy ishki ister mınıstri Erlan Turǵymbaev ustaldy. Mundaı sheshimdi arnaıy prokýrorlar Turǵymbaevqa qatysty 2022 jylǵy qańtardaǵy qaıǵyly oqıǵaǵa baılanysty qyzmettik ókilettigin asyra paıdalaný baby boıynsha qozǵalǵan qylmystyq is aıasynda shyǵardy», - delingen aqparatta.
2022 jyly qandy qantardaǵy jaǵdaıdan keıin Erlan Turǵymbaev Ishki ister mınıstri qyzmetinen bosatylyp, prezıdenttiń keńesshisi bolyp taǵaıyndalǵan. Keıin ol ShYU Aımaqtyq terrorızmge qarsy qurylym basshysynyń keńesshisi bolyp taǵaıyndaldy.
