Sifrlyq damu, innovasiialar jäne aeroǧaryş önerkäsıbı ministrı lauazymynan bosatyldy, dep habarlaidy “Adyrna” tılşısı.
Memleket basşysynyŋ Jarlyǧymen Baǧdat Batyrbekūly Musin Qazaqstan Respublikasynyŋ Sifrlyq damu, innovasiialar jäne aeroǧaryş önerkäsıbı ministrı lauazymynan bosatyldy.
Ol būl qyzmetke 2020 jyldyŋ 2 qyrküiegınde taǧaiyndalǧan.
Baǧdat Batyrbekūly 1983 jylǧy, Pavlodar oblysy Ekıbastūz qalasynyŋ tumasy. Süleimen Demirel atyndaǧy universitettı "injener-jüie tehnigı" mamandyǧy boiynşa, Qazaq qūqyqtanu jäne halyqaralyq qatynastar institutyn "zaŋger" mamandyǧy boiynşa bıtırgen.
Eŋbek jolyn injener-baǧdarlamaşy bolyp bastap, Ädılet ministrlıgınıŋ "Respublikalyq qūqyqtyq aqparat ortalyǧy" RMK AJ süiemeldeu bölımınıŋ bastyǧy, QR Ädılet ministrlıgınıŋ Ekonomika jäne qarjy departamentı Aqparattyq tehnologiialar basqarmasynyŋ bastyǧy bolyp jūmys ıstedı.
Odan keiın QR Bailanys jäne aqparat ministrlıgınıŋ qūrylymynda basşylyq qyzmetterdı, "Ūlttyq aqparattyq tehnologiialar" AQ, "Qazpoşta" AQ, QR Bas prokuraturasynyŋ Qūqyqtyq statistika jäne arnaiy esepke alu komitetın basqardy.
QR Prezidentınıŋ sifrlandyru jäne innovasiialyq tehnologiialar jönındegı keŋesşısı bolǧan.
Ūqsas jaŋalyqtar
