Kesh Almatydaǵy Abaı atyndaǵy Qazaq ulttyq opera jáne balet teatrynda ótkizildi. Kıeli sahnada Iakýt eliniń «Nýrgýn Bootýr» ulttyq operasy kórsetildi.
Spektakl dástúrli halyq mádenıeti men zamanaýı opera ónerine negizdelgen. Qoıymylmnyń rejısseri Andreı Borısov. Ol, atalǵan spektalde Opera kóne epos negizine qurylǵandyǵyn aıtty. Aıtýynsha, qoıylymda joǵarǵy dúnıe qaharmanynyń zulym kúshterimen kúresi baıandalady.
Qoıylym kórermenniń nazaryn ózine qaratyp, erekshe áserge bóledi.
– Kórermen retinde maǵan óte unady. Zamanaýı emes, tarıhı qoıylymǵa adam qyzyǵady. Kıgen kımi, oqyǵan óleńi, aspaptary adamnyń qyzyǵýshylyǵyn arttyrady, – dedi qala turǵyny Sara Saıpova.
Aıta keteıik, mádenı is-shara aıasynda Yqylas atyndaǵy halyq aspaptar mýzeıinde «Ǵasyrlar úni» kórmesi ashyldy. Kelýshiler kórmeden saha sheberleriniń qolynan shyqqan ulttyq aspaptardy tamashalaı alady. Atalmysh bastama eki el arasyndaǵy dostastyqty nyǵaıtpaq.
Túbi bir túrki halyqtary bolǵandyqtan, eki eldiń salt-dástúri de uqsas keledi. Mýzykalyq aspaptarymyz, tilimiz óte uqsas. Qymyz sýsyny da bizdi baılanystyrady, – dedi Saha respýblıkasynyń Mádenıet jáne rýhanı damý mınıstri Afanasıı Noev.
Eske salamyz, Saha Respýblıkasynan Qazaqstanǵa merekeni aıshyqtaý úshin 300-den astam ókil kelgen.
