Memleket basşysy Qasym-Jomart Toqaev Resei hokkei federasiiasynyŋ prezidentı Vladislav Tretiakty qabyldady. Būl turaly Aqorda jariialady, dep habarlaidy “Adyrna” ūlttyq portaly.
Prezident Qasym-Jomart Toqaev soŋǧy jyldary Qazaqstanda hokkei sportynyŋ auqymy aitarlyqtai keŋeigenın atap öttı. Memleket basşysynyŋ pıkırınşe, elordalyq «Barys» kluby bastaǧan otandyq komandalardyŋ QHL chempionatyna jäne basqa da turnirlerge qatysuy, sondai-aq ūlttyq qūramanyŋ älemdık bırınşılıkterde tabysty öner körsetuı atalǧan sport türın keŋınen därıpteuge oŋ yqpal etedı. Atap aitqanda, Qazaqstanda hokkei mektepterı men jastar komandalary köbeiıp, türlı deŋgeidegı jarystar belsendı ūiymdastyryla bastady.
Öz kezegınde Vladislav Tretiak qonaqjailyq tanytqany jäne Astanada ötıp jatqan «Qazaqstan Hockey Open 2024» halyqaralyq turnirınıŋ joǧary deŋgeide ūiymdastyrylǧany üşın rizaşylyǧyn bıldırdı. Sondai-aq ol Qazaqstan hokkeiınıŋ ökılderı edäuır tabysqa jetkenıne nazar audaryp, mūndai jetıstık sporttyŋ komandalyq türlerıne memleket tarapynan laiyqty deŋgeide män berıluınıŋ nätijesı ekenın aitty.
Ūqsas jaŋalyqtar
