Almatyda  Otan qorǧauşylar künı qalai toilanatyny belgılı boldy 

Biyl Qazaqstan Respublikasy Qaruly Küşterınıŋ 32 jyl toldy. Otan qorǧauşy künı qarsaŋynda Almatynyŋ barlyq mektebınde «Erlık sabaqtary», synyp saǧattary, oqyrmandar men esseler baiqaulary jäne t.b. ötedı. Merekelık ıs-şaralar qalanyŋ audandarynda tömende körsetılgen negızde  ötedı: Äuezov audanynda 3 mamyr künı saǧat 10:00-de B.Momyşūly atyndaǧy Almatydaǧy «Jas ūlan» respublikalyq äskeri mekteptıŋ bazasynda «Ūrandy eldıŋ ūrpaǧy qaisar» merekelık ıs-şarasy ötıp, teatrlandyrylǧan qoiylym körsetıledı. Türksıb audanynda 6 mamyr künı saǧat 15:00-de QR Qūrlyq äskerlerı Äskeri institutynyŋ bazasynda körkemöner ūjymdary men äskeri bölımderdıŋ qatysuymen konsert ötedı. Nauryzbai audanynda 6 mamyr künı Aqjar şaǧyn audanynda Däuletkerei köşesı 178, 2027 äskeri bölımınıŋ aumaǧynda saǧat 10:00-de äskeri qyzmetşılerdı marapattau jäne sarbazdardyŋ ant qabyldau räsımı ötedı. Bostandyq audanynda 7 mamyr künı saǧat 09:00-de Popov 1a mekenjaiynda «El ertenı-bügıngı jastary» atty saltanatty ıs-şara ötedı. Is-şara barysynda äskeri qyzmetşılerdı marapattalyp, qonaqtar üşın saptyq marş ūiymdastyrylady. Almaly audanynda 6 mamyrda saǧat 11:00-de №120 gimnaziiada «Jas sarbaz» (9-11 synyptar arasynda) äskeri-sporttyq oiyndarynyŋ jarysy ötedı. 6 mamyrda saǧat 13:00-de №55 JBBM-de (7-9 synyptar arasynda) Sap jäne än baiqauy bolady. Jetısu audanynda 7 mamyr künı saǧat 11:00-de Raiymbek daŋǧyly, 235 (Ortalyq zirat) mekenjaiyndaǧy «Belgısız sarbazdyŋ qabırı» eskertkışıne gül şoqtary qoiylady. Alatau audanynda 7 mamyr künı saǧat 11:00-de audan äkımdıgı ǧimaratynyŋ aldynda «Er esımı – El esınde» eskertkışıne gül şoqtary qoiylady.