BQO-da 40 medisinalyq nysannyŋ qūrylysy bastalmaq

Biyl Batys Qazaqstan oblysynyŋ densaulyq saqtau jüiesın qarjylandyruǧa jergılıktı biudjetten 94 mlrd. teŋge bölındı. Onyŋ ışınde 82,1 milliardy äleumettık medisinalyq saqtandyru qory (ÄMSQ) arqyly berılse, 11,9 mlrd. teŋgesı DSB arqyly bölıngen. Oblysta Tegın medisinalyq kömektıŋ kepıldendırılgen kölemı (TMKKK) jäne mındettı äleumettık medisinalyq saqtandyru (MÄMS) şeŋberınde 56 medisinalyq qyzmet körsetuşı ūiym bar onyŋ ışınde 37-sı memlekettık bolsa, 19-y jeke medisinalyq ūiym. Biyl oblys 3,1 mlrd. teŋgege 26 medisinalyq jabdyq satyp alu josparlap otyr. Sonymen qatar oblystaǧy medisinalyq ūiymdar üşın «KPO b.v» kompaniiasynyŋ qarajaty esebınen jalpy somasy 25,3 mlrd. teŋgege 1273 medisinalyq jabdyq satyp alynbaqşy. Aita keteiık byltyr densaulyq saqtau basqarmasy halyqty uaqytyly ärı sapaly medisinalyq qyzmetpen qamtamasyz etu üşın 630 jaŋa zamanǧy medisinalyq jabdyq jäne 81 bırlık avtokölık satyp aldy. Dese de oblysta älı künge deiın eskı emdeu mekemelerı bar. Olardy qazırgı zamanǧa sai etu maqsatynda biyl 11 medisinalyq nysan kürdelı jöndeuge jabylady. Olardyŋ 2-uı oblys ortalyǧynda bolsa, törteuı Bokei Ordasy, taǧy beseuı Jaŋaqala audanynda. Jalpy soŋǧy jyldary oblystaǧy emdeu mekemelerı äldeqaida jaŋaryp qaldy. Byltyrdyŋ özınde 22 densaulyq saqtau nysanyna kürdelı jöndeu jürgızıldı. Onyŋ altauy «Auyl-el besıgı» jobasy aiasynda jöndelse, Tasqala audandyq auruhanasynyŋ qarajaty esebınen Ainabūlaq auylyna jaŋa medisinalyq punkt ǧimaraty satyp alyndy. «Auylda densaulyq saqtaudy jaŋǧyrtu» ūlttyq pilottyq jobasy şeŋberınde biyl 40 medisinalyq nysannyŋ qūrylysy bastalmaq. Onyŋ 38 alǧaşqy medisinalyq-sanitarlyq kömek körsetu nysandary bolsa, Kaztalov jäne Börlı audandarynda ekı audanaralyq auruhana qūrylysy jüzege asyrylady. Byltyr oblysta 12 medisinalyq nysan paidalanuǧa berıldı. Onyŋ segızı FAP bolsa, törteuı därıgerlık ambulatoriia. Ötken jyly jaŋa mednysanǧa ie bolǧan auyldarǧa keletın bolsaq alǧaşqysy Bökei ordasy audany Mūratsai auyly. Odan bölek, Bäiterek audany Novenkii, Jaŋaqala audany Qyzyloba, Jänıbek audanynyŋ Jaqsybai, Qamysty auyldary. Sonymen qatar Kaztalov audanynyŋ Qaraözen, Syrym audanynyŋ Öleŋtı, Terektı audanynyŋ Barbastau, Börlı audanynyŋ Araltal, Bäiterek audanynyŋ Asan, Kaztalov audanynyŋ Bostandyq, Terektı audanynyŋ Saryömır auyldarynda jaŋa emdeu mekemesı aşyldy. Medisinalyq-sanitarlyq alǧaşqy kömek obektılerınıŋ «Qadamdyq qoljetımdılıgı» jobasy şeŋberınde jalpy täjıribe därıgerlerınıŋ 418 uchaskesı jūmys ısteidı.