Bügın «Atameken» öner ortalyǧynda 7 mamyr – Otan qorǧauşylar künıne arnalǧan saltanatty jiyn öttı.
Merekelık şarada oblys äkımı Nariman Töreǧaliev el damuynda er azamattardyŋ orny men erlıgın tılge tiek etıp, keşegı öŋırımızde oryn alǧan su tasqyny kezınde jasaǧan eŋbekterıne erekşe toqtaldy.
«Oblysymyzdan jäne basqa da öŋırlerden 3 myŋǧa juyq küştık qūrylym qyzmetkerlerımen qatar, eldıŋ naǧyz patriottary, eldıŋ bolaşaq qorǧandary jastar qauymy qiyn sätte ūiymşyldyq tanytyp, el üşın aianbaityndaryn däleldedı. Būdan bölek, erıktıler men qarapaiym tūrǧyndarymyz da kündız-tünı tasqyn suǧa qarsy jūmystarǧa qol ūşyn sozdy.
Nätijesınde, uaqytyly qabyldanǧan şaralardyŋ arqasynda Oral qalasy men oblysymyzdyŋ 4 audanynda ornalasqan 84 eldı mekenın su tasqynynan aman alyp qaldyq», - dedı öz qūttyqtauynda oblys äkımı.
Şara marapattau räsımımen jalǧasyp, täuelsızdıgımız ben tūtastyǧymyzdy, tynyştyǧymyz ben beibıt tırlıgımızdı küzetıp tūrǧan, halqymyzǧa qorǧan bolǧan küştık qūrylym qyzmetkerlerı men syni saǧatta qoldau bıldırgen jandar marapat törınen körındı.
Saltanatty şara jergılıktı önerpazdardyŋ konsertıne ūlasty.
