QR Prezidentı Qasym-Jomart Toqaev qazaqstandyqtardyŋ eŋbek qūqyqtaryn qorǧauǧa köŋıl böludı tapsyrdy, dep habarlaidy QazAqparat tılşısı.
«Biyl 4 mausymda Atyrau qalasynda bırdei eŋbek etetın jergılıktı jäne şeteldık jūmysşylardyŋ jalaqysyn ädıl berudı tapsyrǧan bolatynmyn. Ükımetke būl mäselenı soŋyna deiın anyqtaudy tapsyramyn. Asqar Ūzaqbaiūly (Mamin – red.), eŋbek jaǧdaiy, jūmysşylardyŋ jalaqysy boiynşa egjei-tegjeilı saraptama jasauyŋyzdy sūraimyn. Eger investorlarmen kelısımşartqa özgerıs engızu qajet bolsa, mūny kün tärtıbınen tüsırmegen jön. Ärine, būl oŋai jūmys emes, tüsınemın, bıraq būl mäselenı şeşu qajet», - dedı Qasym-Jomart Toqaev Ükımettıŋ keŋeitılgen otyrysynda. Prezident ūlttyq müddenı qorǧaudyŋ barlyq memlekettık organ üşın maŋyzdy ekenın atap öttı. «Qazaqstandyq mamandardyŋ, jūmysşylardyŋ tiıstı bılıktılık aluyna da erekşe köŋıl bölu kerek», - dedı Memleket basşysy.
"Adyrna" ūlttyq portaly
