Būl jeŋıske aǧa buynnyŋ – atalarymyz ben äkelerımızdıŋ, äjelerımız ben analarymyzdyŋ teŋdessız küş-jıgerı men orasan zor qūrbandyqtarynyŋ arqasynda qol jettı. Bız ärbır batyrdyŋ qosqan ülesın este saqtaimyz, baǧalaimyz jäne qūrmet tūtamyz.
Qazaqstandyqtar 20-dan astam atqyştar diviziialary men basqa da qūramalarda şaiqasty. Äskeri qyzmetı üşın jüzdegen myŋ qazaqstandyqtar medaldarmen jäne ordendermen marapattaldy, 500-ge juyq adam Keŋes Odaǧynyŋ Batyry atandy. 4 qazaqstandyq ekı ret Batyr atanyp, 110 qazaqstandyq üş därejelı Daŋq ordenımen marapattaldy.
Jauynger batyrlardyŋ esımderı halyq jadynda mäŋgı saqtalady. Bügınde ärbır qazaq azamaty M.Mämetovanyŋ, Ä.Moldaǧūlovanyŋ, H.Dospanovanyŋ, R.Qoşqarbaevtyŋ, M.Ǧabdullinnyŋ, Q.Qaisenovtyŋ, B.Momyşūlynyŋ, T.Bigeldinovtyŋ, L.Bedanyŋ, İ.Pavlovtyŋ, S. Luganskiidyŋ jäne t.b. erlıgın eske alyp, taǧzym etedı.
Būl – qazaq dalasynyŋ erjürek ūrpaqtary – batyr ūl-qyzdaryn mäŋgı este saqtau jäne olarǧa alǧys aitu künı.
