Bügın 9 mamyr - Jeŋıs künı. Būl jeŋıs künı oŋai kelgen joq. Sondyqtan ekınşı düniejüzılık soǧys halqymyz üşın eŋ qasırettı kezeŋ bolyp tarihta qalady. Otanyn qorǧap ajdahanyŋ auzynan qaitqan ata-apalarymyzdyŋ teŋdessız erlıgı, otanşyldyq närıne suarylǧan biık parasaty, asqaq adami bolmysy bızge mäŋgılık önege, ömırlık mektep, ızgılık pen adamgerşılık etolony bolyp qala beredı.
Jyldar jyljyp, sol sūrapyl kezeŋnen alystaǧan saiyn, beibıt kün syilaǧan soǧys ardagerlerıne degen qūrmetımızdıŋ eselene tüserı anyq. Öitkenı, zymyraǧan uaqytpen bırge aŋyzǧa ainalyp bara jatqan soǧystyŋ aqiqatyn aitatyn ardagerlerımzdıŋ de qatary tym sirep barady.
Bügın Şymkenttıkter de Jeŋıs künın atap ötu üşın «Daŋq memorialyna» jinaldy. Qaza bolǧan qaharmandardyŋ ruhyna taǧzym etıp, esımderı qaşalyp jazylǧan eskertkış taqtaǧa gül şoqtaryn qoidy. Saltanatty şarada batyr babalardyŋ qaisarlyǧy men batyldyǧy därıpteldı.
Sonymen bırge Memleket basşysy Q. Toqaevtyŋ soǧys jäne tyl ardagerlerın Jeŋıs künımen qūttyqtau hatyn qala äkımı oqyp berdı. Al qalada alapat soǧysqa qatysqandardan 2 ardager bar. Olardyŋ bırı - Nina Egorovna Mosunova. 100 jastaǧy maidanger äjei soǧys kezınde radist bolǧan. Al ekınşı maidanger Brest qamaly, Varşava, Dansk, Vissmark qalalary üşın şaiqasqan- Mūrataly Tölepbergen aqsaqal. Ol qan maidan şebınde jan aiamai, erlık körsetkenı üşın «Ūly Otan soǧysy», «Germaniiany jeŋgenı üşın», «Varşavany azat etkenı üşın» ordenderımen marapattalǧan.
Äkım bügın jeŋıs künın jaqyndatqan ekı ardagerdı merekelerımen qūttyqtai otyryp, ekı maidangerge päter kıltın tabystady.
«Bügın bız beibıt aspan astyndaǧy bügıngıdei mamyrajai ömır syilaǧan batyrlarǧa qūrmet körsetemız. Bız Jeŋıstıŋ qūndylylyǧyn eşqaşan ūmytpaimyz »- dedı, öz qūttyqtauynda qala äkımı Ǧabit Syzdyqbekov.
Öz kezegınde maidangerler körsetılgen qūrmetke şeksız alǧystaryn bıldırıp, batalaryn berdı.
