Atyraý oblysynda Jaıyq ózenindegi sý áli kóterilip jatyr. 9 mamyr kúni sýdyń deńgeıi Inderbor kentinde 10, Mahambet aýylynda 9 metrden asty. Bul týraly oblystyq TJ jónindegi jedel shtabtyń baspasóz qyzmeti aıtty, dep habarlaıdy «Adyrna» tilshisi.
Jaıyq ózenindegi sý deńgeıi bir táýlikte Inder aýdanynyń ortalyǵy – Inderbor kentinde 13 santımetrge kóterildi. Búgingi sý deńgeıi – 1005 sm. Bul shekti deńgeıden 160 santımetrge kóp.
Jaıyq sýy Mahambet aýylynyń tusynda 915 santımetrge jetti. Munda shekti deńgeı – 850 sm.
Al Atyraý qalasynda gıdrobekette sý deńgeıi 525 santımetrdi kórsetip tur. Qala aýmaǵyndaǵy qaýipti shek 550 sm deńgeıinde belgilengen.
Tótenshe jaǵdaılar mınıstrligi qazirgi tańda Qyzylorda oblysy TJD kúshimen bógetti nyǵaıtý jumystary júrgizilip jatqanyn málimdedi.
