Respýblıkalyq «Taza Qazaqstan» ekologııalyq akııasynyń «Móldir bulaq» aptalyǵyna Jetisý oblysynyń ár eldimeken turǵyndary atsalysýda.
«Móldir bulaq» – ózen, kólder mańyna tazalyq jumystaryn júrgizip, jaǵajaılardy qoqystan tazartýǵa baǵyttalǵan ekologııalyq akııalardan turady. Jalpy oblys boıynsha atalǵan kúnderi 20 myńǵa jýyq adamnyń qatysýymen, 50 ekologııalyq shara josparlanyp, uıymdastyrylýda. Aýyl-aımaq óz aýmaǵyndaǵy ózender mańyna senbilik jumystaryn júrgizip, bulaq kózderin ashty. Qala aýmaǵyndaǵy aryq júıelerin tazartyp, ózen sýlarynyń arnasy ashyldy.
Búgin Jetisý oblysy boıynsha «Bulaq kórseń, kózin ash», «Taza ózen», «Tazalyq ózimizden bastalady» syndy birqatar ekologııalyq akııalar uıymdastyryldy. Sharaǵa 1985 adam (eriktiler, eko-belsendiler, turǵyndar) qatysty. 13 arnaıy tehnıka jumyldyrylyp, 31 tonna qoqys shyǵaryldy. Bir kúnde oblys aýmaǵyndaǵy 19 ózenniń (Kóksý, Qora, Shaja, Byjy, Qarsý, Qaratal, t.b.) aınalasyna senbilik jumystary jasalyp, arnalary tazartyldy.
