«Qaraǧandy köktemı» atty būl ädebi-ruhani şara Qaraǧandy qalalyq jäne oblys äkımdıgınıŋ qoldauymen 2 jyl qatarynan ūiymdastyrylyp ötkızılıp otyr. Byltyr Qaraǧandy qalasynda alǧaş ret ötkızılgen şara halyqaralyq deŋgeide öttı.
Negızgı maqsat – Arqa törınde talantty jastardyŋ basyn qūrap, bügıngı ädebiettıŋ baǧytyn talqylau. Sonymen qatar, qaraǧandylyq jas aqyn-jazuşylardyŋ äleumettık mäselelerın köteru. Jastardyŋ şyǧarmaşylyǧyn qoldau jäne jaŋa serpın beru. Byltyr festivalǧa kelesıdei aqyndar arnaiy şaqyryldy: Ekber Qoşalı (Äzırbaijan), Yılmaz Okuklu (Türkiia), Selim Yuhay (Türkiia), Hosiiat Rustamova (Özbekstan), Ūlyqbek Esdäulet, Ǧalym Jailybai, Svetqali Nūrjan, Şahizada Äbdıkärımov, Sūraǧan Rahmetūly, Ǧaziz Eştanaev, Serık Elıkbai, Bauyrjan Babajanūly, Maraltai Raiymbekūly, Däuletkerei Käpūly, Baǧdat Mübärak, Tanaköz Tolqynqyzy, Qalqaman Sarin, Saǧynyş Namazşamova, Erbol Alşynbai, Aijan Täbärık, Miras Asan t.b.
Al, biyl «Qaraǧandy köktemı» festivalı 15-16 mamyr aralyǧynda 2 kün boiy keşendı negızde ötkızılmek. Festival baǧdarlamasy şeŋberınde saltanatty aşylu räsımı, «Kreativtı industriiadaǧy qalamgerdıŋ rölı, intellektualdyq menşıktı tiımdı satu joldary» taqyrybyndaǧy döŋgelek üstel ūiymdastyrylmaq. Mūnymen bırge, aqyndar kendı ölkenıŋ tynys-tırşılıgımen etene tanysu üşın Qaraǧandy tau-ken industrialdyq kolledjınıŋ şahta mūrajaiyna saiahattaidy. S. Seifullin atyndaǧy qazaq drama teatrynda «Qaraǧandy köktemı» atty jyr keşı ötedı.
«Qaraǧandy köktemı» festivalınıŋ maqsat-mūraty – aǧa buyn men jas buyn arasynda ruhani bailanys ornatu. Aimaqtyŋ ädebi äleuetın arttyru. Toqsan jyldyq tarihy bar Qaraǧandy qalasynyŋ imidjıne oŋ yqpal etu, ruhaniiattyŋ aqzer älemıne sony serpın beru. Būl şara aiasynda ädebiettıŋ bügını men erteŋı, kreativtı ekonomikadaǧy el qazynasynyŋ mümkındıgı jan-jaqty sarapqa salynbaq.
Poeziia festivalınıŋ osy jolǧy qonaqtary retınde Maraltai Raiymbekūly, Ūlarbek Nūrǧalymūly, Tolqyn Qabylşa, Merei Qart, Oljas Qasym, Nūrdos Kärım, Arailym Mūratälieva, Mergen Toqsanbai, Roza Aspan sekıldı halyqqa keŋınen belgılı, talant ielerı şaqyrtu aldy.
Ūqsas jaŋalyqtar
