Resei azamattary "Baiqoŋyr" ǧaryş keşenı men qala aumaǧynan üdere köşıp jatyr, dep habarlaidy "Adyrna" ūlttyq portaly inbusiness.kz-ke sıltep.
Baiqoŋyr qalasynyŋ Resei taǧaiyndaǧan äkımşılıgı "Reseige qonys audaruşy retınde qala äkımşılıgınde esepte tūrǧan RF azamattarynyŋ jäne olardyŋ otbasy müşelerınıŋ" 2024 jylǧy bıryŋǧai tızımın tüzdı. Sol arqyly qaladaǧy 200-den astam nysandy Qazaqstanǧa bosatyp berdı.
Reseidıŋ qūrǧan tızımıne 315 otbasy kırgen. El bilıgı RF Qorǧanys ministrlıgıne, TJM-ıne, IIM-ıne jūmys ısteitınder kezekten tys köşırıletının mälımdedı. Nätijesınde, 315 otbasydan 789 nömırden tūratyn kezek qūryldy. Būl otbasylarmen bırge Qazaqstannan Reseige biyl jalpy sany 650-den asa RF azamaty köşıp ketpek.
Sonymen qatar, RF prezidentınıŋ 2021 jylǧy 24 qaraşadaǧy №673 jarlyǧyna säikes, RF azamattarynyŋ jekelegen sanattaryna öz otanyna oralsa, äleumettık tölem tölenedı. Ol qarajatqa otanyna oralǧandar Resei territoriiasynda tūrǧyn üi satyp ala alady.
Būl tölem Reseige köşetınderdıŋ bärıne bırdei berılmeitındıgı aityldy. Ony alatyndar sanatyna "Baiqoŋyr" keşenınıŋ aumaǧynda, federaldyq memorgandarynda, käsıpodaqta, zymyran-ǧaryş önerkäsıbınde, RF-tıŋ eŋ kemı 50 paiyz ülesı bar ūiymdarda kem degende 10 jyl jūmys ne qyzmet ötılı bar azamattar jatady.
BAQ-taǧy aqparat boiynşa Baiqoŋyr qalasynyŋ äkımşılıgı 2025 jyly Reseige qonys audaratyndardyŋ da kezegın qalyptastyruǧa kırısıp ketken. Ol tızım būdan da ūzyn bolatyn türı bar. Qazırdıŋ özınde 2025 jyldyŋ kezegıne 689 reseilık otbasy kırdı.
"Baiqoŋyr qalasy Resei federasiiasynyŋ federaldyq maŋyzdaǧy qalasyna säikes keletın märtebege ie. Onda azamattardyŋ tūruynyŋ, obektılerdıŋ, käsıporyndar men ūiymdardyŋ qauıpsız qyzmet etuınıŋ erekşe rejimı engızılgen. Baiqoŋyr qalasynda 76,5 myŋnan astam adam tırkelgen. Būlar – RF, Qazaqstan jäne özge memleketterdıŋ azamattary", – dep jalpylama jazylǧan qala äkımşılıgınıŋ resmi internet resursynda.Aita keteiık, Reseige attanuǧa äzırlenıp jatqandardyŋ biylǧy tızımınde de Örkenbaev, Toqşylyqova, Täjıbaev, Dauylbaeva, Estıleuov, Şaŋǧytpaev, Dosymova, Arynova siiaqty qazaqy familiialar örıp jür.
Ūqsas jaŋalyqtar
